تجاربي مع جميع طرق و انواع مزيلات الشعر طلب صغير من بنات الشرقية في السعودية

السلام عليكم و رحمة الله و بركاته
اول شي احب اقولكم مبارك عليكم الشهر وانا عضوة جديدة في هاي المنتدى و هاي اول موضوع لي
طبعا انا ماشاركت عشان بس هالطلب لا ان شاء الله بنزل مواضيع عن اشياء انا استخدمتها
و بحاول انفعكم و افييدكم كثر ما اقدر
(((((((المهم
انا الحين بتكلم عن رحلتي مع جميع الاشياء اللي استخدمتها اللي ماتبي
تقراه و توصل للطلب تنزل ليين احط هاي القلوب اللي لونهم ازرق اول ما ابتدي
الطلب مالي))))))))
انا من زمان استخدم آلة براون لنزع الشعر من جسمي في سنة 2007
لكن
كانت ماتنفع معاي كانت تقطع لي الشعر و تسبب لي اللم على الفاضي
و يطلع الشعر بعدها ب 3 ايام على اللي اذكره
و سببت لي نمو داخلي للشعر
انا كنت استخدم الوردية مالت الصبايا و شريتها من اللولو هايبر ماركت
اول مانزلت كان سعرها 25 دينار يعني 250 ريال
و كلش ما استفدت منها كنت اشيل فيها بس الشعر يطلع بسرعة مثل ماذكرت فوق
و صارلي الحين سنين ماستخدمها لان صج صج مليت من النقط السوود لما يطلعوون
و مليت من الالم اللي احس فيه و اخرتها النتيجة كأني شايلة بموس
تركت الآلة و التفت على الكريمات من فيت لنزع الشعر
كلش ماناسب جسمي ولا ناسب بشرتي سوو لي حساسية
كانت تجيني حكة مو طبيعية درجة ان كنت احك ريولي لين يطلع الدم
صارت ريلي كل مكان دم دوائر كبيرة و بعدها تصير آثآآر يكون لونها غامج
رحت حق طبيب جلدية و عطاني علاج لها و مرطب الحمدلله الحين راحت الحساسية و وقفت
عن هالكريم طبعا و استمريت على العلاج مال الدكتور لين الآثار راحت
طبعا كنت صغيرة تقريبا 12 سنة يعني مدة طويلة
و رحت للحلاوة *للأسف*
آآآآخ منها هالحلاوة شسوت فيني
ما انكر انها تنظف و ممتازة لما تشيلين مايطلع الا بعد فترة طوييلة
بس في سنة 2011 تركتها
لان مرة كنت اشيل فيها و ابيها تذووب و حطيتها في الميكروويف عشان تذوب و سهل انشرها
على الساق و كانت باقي منها شوي في العلبة و حطيته في الميكروويف و اذكر انها كانت
تغلي من كثر ماصارت حارة و انا استانست قلت الااي سهل عشان احطه و لما شوي تييبس اشيله
و ينظف و blah blah blah
و صبيتهاو اهي تغلي من العلبة على الساق
و من الصدمة ماقدرت اتكلم ولا طلع مني صوت
و احترقت ساقي و جزء من فوق ريولي
و اذكر يوم رحت اغسله بسرعة من على ريولي بطلت الماي مال الشاور و يصب ماي حار عليها
كان يوم منبوذ والله و انا اغسله اجوف جلدي يطيح
والله ان تحسفت ثم تحسفت ثم تحسفت يومها ان شلت بالحلاوة
لان كان قبل العيد الوطني مال البحرين و كنت ايامها في الثنوية
و كانوا بسوون حفلة و ابي اللبس مريولي القصير مستانسة كنت
بس يالله شنوو كرهت الحلاوة و للحين اثار الحرق على ريولي
المهم بعدين قلت الحين الآلة عليها X و الحلاوة نفس الشي
رحت صوب الواكس مال فييت اللي بس باليد تسخنينها و تحطينها و تشيلين
لكن بعد طلعت لي هاي النقط السوود و حسيتها خشنت بشرة الساق
و رحت حق الموس و اف من الموس اكرهه
يسوي لي حكة و طبعا النقط السوود لازم و يقزقز ريوولي
قلت مايصير اتم هلون يعني لازم القى حل
بحثت عن الآلات عند الاجانب لان لما اجوف المنتديات كلهم يمدحوون براون
و طبعا ما اقول عنهم كذابين لان الناس تختلف بشرتهم و نوع الشعر
مو شرط كل شي يناسبني بيناسب الجميع
المهم جفت مدح وايد على آلة امجوي
و هاي صورتها اللي يتكلمون عنها
انا وايد تشجعت من مدحهم و جفت في بنات بعد نفسي مانفعت معاهم براون
و سوت فيهم مثل اللي سوته فيني و استعملوا امجوي و قالوا انها واايد احسن من براون
لانها سريعة و تنشحن
مااعرف اووصف لكن قريت عنها وايد و الكل مدحها
في وايد انواع حق امجوي لكن انا ابي هاي لان جفت عليها مدح وايد و اكيد صار خاطري اجربها
دورتها في البحرين كل مكان
لكن مالقيتها لقيت بس وحدة لونها احمر و وحدة بنفسجية طويلة
اختي قالت لي ان اكيد بلاقيها في السعودية
الحين الطلب يا بنات
اترجاكم
بس ابي كلمة اي او لا
هل هاي الآلة نفسها اللي في الصورة موجودة عندكم في منطقة الشرقية ؟؟؟
و اذاا جفتووها اذا تذكرون قولوا لي وين
والله ان انا ميتة ابيها و لما اخذها ان شاء الله بكتب لكم رايي فيها
و هل نفعتني او لا
بس اترجاكم والله تعبت و انا ادورها و ياريت احد يرد علي
انا ان شاء الله باروح السعودية الاسبوع الياي
عشان ازور اهلي و اهل امي و بتم اسبوع بعد
ابي اتطمن و اتشجع ما اخسر البيزات اللي حاطتهم له
اتنظر ردودكم