تجربة خريجة ثانوية العام الماضي وقبولها بالجامعة أول دفعةطبق عليهم القدرات والتحصيلي

1. (( أعوذ بكلمات الله التامة من كل شيطان وهامة ، ومن كل عين لامة ))


2. (( أعوذ بكلمات الله التامة من كل شيطان وهامة ، ومن كل عين لامة ))


3. لا اله الا انت سبحانك اني كنت من الظالمين ..

بسم الله الرحمن الرحيم
السلام عليكم ورحمة الله وبركاته
أسألكم بالله تقرأون هالدعاء .. :ق1:
ماشاء الله تبارك الله
(( أعوذ بكلمات الله التامة من كل شيطان وهامة ، ومن كل عين لامة ))

(( أعوذ بكلمات الله التامة من كل شيطان وهامة ، ومن كل عين لامة ))

(( أعوذ بكلمات الله التامة من كل شيطان وهامة ، ومن كل عين لامة ))

اللَّهُمَّ اجعلني شكورا ، واجعلني صبورا ، واجعلني في عيني صغيرا وفي أعين الناس كبيرا . ... اللَّهُمَّ إني أسألك من صالح ما تؤتي الناس من المال والولد غير الضال ولا المضل. .... اللَّهُمَّ قني شر نفسي واعزم لي على أرشد أمري ...
اللهم من أراد بي سوءً أشغله في نفسه ياحي ياقيوم ..
أولاً : أبارك لكم التخرج من الثانوية وبنسب حلوه بإذن الله وعقبآل الجامعة يآرب ..
ثانياً : هالموضوع ماكتبته الا لأني شفت الكثير الكثير منكم متذمر على النسب بعد القدرات والتحصيلي وخوفكم من عدم القبول ..
أدري بتقولون وش هالموضووع الطويل وبتقفلووه بس انصحكم تقرأوونه صدقوني بتستفييدون بقوه
اذا تسمحون تقرأون كل حرف اكتبه وخاصة اني مريت باللي انتو في الحين .. اعتبروها نصيحة مجرب :ق1: ..
اللهم كل من قرأت موضوعي هذا تفررج كربتها وتقبل في الجامعة بالتخصص اللي تحلم فيه ياحي ياقيوم

لا اله الا انت سبحانك اني كنت من الظالمين ..

بداية: انا من خريجات العام الماضي , ولله الحمد طوال سنوات دراستي كنت ممتازه وانجح بتفوق , كان حلمي أدرس في مدينة الرياض تخصص حآسب آلي لأنو عارفه له مستقبل بإذن وآحد أحد , لكن أنا أسكن في إحدى المحافظات في المنطقة الشرقية والكليات اللي عندنا مافيه تخصصات حلوه والقبول في الكلية يعتمد فقط على نسبة الثانوية .. كنت دائما ازن على اهلي انو ماابي ادرس بهالكليية الشينه والحمدلله ماكان فيه اعتراض ولما جا وقت التسجيل للقدرات رحت وسجلت وسافرت للرياض واختبرت , الحمدلله تخرجت من الثانوية العامه بنسبة 97.20 وفرحت فيها بشكل ماتتصوروا وكنت انتظر نتيجة القدرات والتحصيلي على أحر من الجمر ,,
في يوم حلمت وكان الحلم مرره شين وكنت خايفه منه فأرسلت لتفسير الأحلام وكان هذا ردهم:
((زوال أزمات وعقبات عنك في الحياة))
بتقولون ايش دخل الحلم !! انتو كملو وشوفو .
/
جتني الصدمه بنتيجة القدرات 65.5 أما التحصيلي المصيبه الأكبر 63.6 . لما حسبت نسبتي المركبة طلعت 87.40%
حسيت ان خلاص مافيه امل ادخل التخصص اللي ابيه خاصة ان القبول في الحاسب وقف على 87.90% يعني فرق اعداد عشرية بس القبول الالكتروني مابيقبلني لأنو أساسا مبرمج على نسبة معينة , فكنت على طوول ابكي وادعي ربي يفتحها في وجهي ..
بدأ التسجيل بالكلية فسجلت فيها للإحتياط لو مااقبل بجامعات الرياض , وبعدها بفتره بسيطه بدأ التسجيل لجاامعات الرياض ,, دخلت على البوابة الالكترونية و سجلت بياناتي وسجلت الرغبات وحفظت الرغبات والنظام قبل انو يحفظهم مع انو عددهم 4 وهو في الاساس مايقبل بأقل من 30 رغبه لكن انا ماكنت عارفه وشفت رد لوحده من البنات بأحد المنتديات فإنصدمت كيف انا قبل يحفظهم ..
فزاد خووفي من عدم القبوول وجا اليوم اللي تطلع فيه نتائج القبول للكلية اللي في منطقتي وانقبلت في اول رغبة لي .. وباقي اسلم لهم الملف . لكن كنت انتظر تطلع نتائج قبول الجامعه ,,
في تاريخ تقريبا 15/8 او يمكن قبل مااتذكر بالضبط نزلت نتائجهم فلما فتحت على حسابي شوفو ايش طلع لي :
نعتذر عن عدم قبولك في جامعات الرياض الحكومية لإستنفاذ المقاعد في الرغبات المطلوبة .
جتني صاعقة هنا خلاص انشل تفكيري .. الغلط مو مني الغلط على النظام كييف يقبل اني احفظ 4 رغبات بس . انا عارفه انو هم ماقبلوني بالرغبات اللي حطيتهم لأنو نسبتي ماتأهل لكن لو اني ضايفة رغبات اكثر مثل الكيمياء او فيزياء او انجليزي كان انقبلت اكيد بعدها اجيب معدل كويس واحول ..
ماتتخيلون كيف كانت نفسيتي مره ززفت تصدقون اني وانا اكتب الحين احس اني اببكي
دخلت على المنتديات فشفت موضوع لوحده مثل حالتي مااقبلوها على انو نسبتها ماشاء الله تبارك الله تأهلها <<شفتها في الجامعه والحين بالنسبة لي هي اقرب صديقة
واستفسرت في كل مكان فعرفت لييش هي ماانقبلت لأنو من خارج الرياض والنظام كان مبرمج انو القبول يكون لخريجات مدارس مدينة الرياض فقط .
لكن مايأست ودعيت ربي , راسلت أستاذه مشرفة على القبول فأكدت لي انو لي احقيه في القبول اذا كنت ابسكن في الرياض وعندي صك عمل ولي الأمر + صك السكن وانا فعلا كنت ابسكن فيها وولي امري اخوي , وعنده صك عمل في الرياض و عندنا بيت .. فأرسلت لهم أوراقي على الفاكس ونتيجتي والمشكلة اللي صارت معي بالتفصيل وكيف ان النظام قبل يحفظ 4 رغبات لاغير .
وردو علي ان نتيجة القبول بنص رمضان , يعني بعد شهر من هالكلام ياربي اايش يصبرني .. ربي رحمتك ..
وبنفس الوقت اييش اعمل اقدم ملفي للكلية اللي انقبلت فيها والا اتركهم ويروح علي القبول؟؟؟؟
استخرت ودعيت ربي كثير ... ابككي بقوه والله العظيم يابنات ماتصدقون كيف حالتي .. كنت ادعي بهذا الدعاء: "ياحي ياقيوم ياعالم بحالي استجب دعائي.. يآرب افتحها بوجهي , لا اله الا انت سبحانك انتي كنت من الظالمين , اللهم قدر لي الخير حيث كان ثم ارضني به" :ق1:
رحت اقدم ملفي وانا قلبي مكسوور وبالي مشتت .. ومع هذا كله بكل لحظه ادعي فيها ربي يقدر لي الخير ومن حظي كان رمضان جاي فقبل افطر كنت ادعي بنفس الدعاء ولا حظوا ماقلت يارب انقبل في الجامعه لأنو كنت خايفة انو عدم قبولي يكون خيره لي فكنت اسأل الله الخير وين ماكان والرضى فيه ..
في يوم 11من رمضان جتني رساله بعد الفطور :
نأمل حضورك لعمادة القبول والتسجيل ......
لو انتو مكاني ايش بتسون !! انا صرت طاايره من الفرحه ونفس الوقت ماأدري هذا يعني قبول
واستفسرت وفعلا كان قبول لكن ماأدري ايش القسم المهم اني اقدم ملفي بأقرب وقت يعني لازم اسافر للرياض لأنو اللي قبولهم متأخر لازم يحضرون الملف بأنفسهم مو بالبريد..
رحت وسحبت ملفي , لكن جت صخره جديدة في طريقي .. أخوي اعترض اني ادرس في الجامعه شلون وانت طول هالفتره ساكت وماقلت شئ ؟! .. بتفكيره ان قبولي شبه مستحيل ..!
طيب بعدين قعدت افكر مع نفسي الحين سحبت ملفي من الكيلة و الجامعة اشيلها من راسي يعني خلاص السنة هذي راحت علي ؟!!!!!!
وظليت ادعي ربي وما وقفت ابد واترجيت اخوي لكن مافيه فايده .. راحت اختي كلمت اخوي الثاني انو يكلم اخوي ويقنعه وان حالتي كذا صعببه بس ابكي ومستقبلي بيضيع..
بعد السحور وبعد صلاة الفجر بالتحديد جو اخواني عندي فوق وانا كنت لسى ابكي واختي عندي , تناقشنا وبعد نقاش طويل وافق أخيرا بعد كذا يوم من الهم ..
سافرت وقدمت ملفي وحمدت ربي انوو مر كل شئ بسلام وواخيرا الملف صار بالجامعة
وارسلولي متى احضر لليوم التعريفي وعرفت من بنات المنتدى انو اللي موعد حضورهم يوم السبت تخصص حاسب
بجد ماصدق بعد كل هذا ادخل في التخصص اللي ابيه
لا حظو ان نسبتي ماتقبلني لأنها أقل بشوي من النسبة المطلوبه مع ذلك انقبلت
ياربي ياحبيبي احمدك واشكرك ..
( اللهم لك الحمد كما ينبغي لجلال وجهك وعظيم سلطانك)
(اللهم ما أصبح بي من نعمة أو بأحدا من خلقك فمنك وحدك لا شريك لك لك الحمد ولك الشكر)
/
شفتو كيف انو عدم قبولي في البداية كان خيره لي .. لو اني انقبلت كان مستحيل انقبل بالحاسب
لكن تأخر قبولي بين لهم انو فيه مقعد فاضي وكان من نصيبي ..
/
عاارفه اني طوللت عليكم بقوه واعتذر منكم بس والله ثم والله ماكتبت كل هذا الا لأني ابيكم تعرفون ان اللي مكتوب لكم بيصير لو كل الكون وقف ضدكم .. وتذكرو كمان ان الله مايضيع تعب احد ابد
/
شووفو وش كثر الصخرات اللي اعترضت طريقي مع هذا وفقني ربي .. وتفسير الحلم كان بمحلله, الله يجزاه الجنة الشيخ اللي فسر لي الحلم
واوصيكم يابنات بالدعاء ثم الدعاء ثم الدعاء .. و اكر الدعاء
ربي يوفقكم وين ماتروحون ..
سبحانك ربي ما أحلمك سبحانك ربي ما اعظمك اللهم اغفر لنا ما تقدم من ذنوبنا و ما تأخر..اللهم احسن خاتمتنا. واغفر لوالدينا و ارحمهما و ادخلهما جناتك برحمتك يا أرحم الراحمين
لكل من قرأت موضوعي / تفضلي