تجربتي في صنع بطاريه كهروكيميائيه

السلام عليكم ورحمه الله وبركاته.......
طبعا الموضوع واضح من العنوان........
اول شي الأدوات ...
1/قطع معدنيه...استعملت 7
2/مناديل ورقيه...
3/رقائق الومنيوم((اللي نسميها قصدير))
4/ملح
5/خل تفاح اذا ماتوفر خل عادي انا سويت التجربه بخل عادي...
6/مصباح LEDهو عباره عن دايود راح تلقينه في اي ريموت قديم..
انا طلعته من تليفون خربان بالبيت...
الخطواات.......
اول شي تاخذين القطعه المعدنيه وتقصي بنفس حجمها القصدير والمناديل بحيث يكون عندك دوائر من المناديل والقصدير بعدد القطع المعدنيه...
الشيء الثاني تاخذي الملح وتذوبيه في الخل..بعدين تحطي المناديل الورقيه فيه..
وتتركينها مده انا خليتها يوم كامل بس عادي تقدري تخليها مدة نص ساعه...
بعدين تاخذي القصدير الدائري وتحطي علي قطعة المنديل وفوقها تحي قطعه معدنيه بعدين قصدير بعدين منديل بعدين قطعه معدنيه وزي كذا......
لين ماتكملي بناية البطاريه...
بعدين عاد ثبتيها بلزق...
وهذي هذ التجربه سويتها فيديو......طبعا كتبت موضوعي اول شي بملتقى الفيزيائين العرب... واستفدت من هذا الموقع كثير ,,,
اترك لكم الرابط....
http://video.google.com/videoplay?do...63005752&hl=ar
وهذي التجربه تصلح لبنات ثالث كنشاط لمادة الكيمياء في الخلايا الكهروكيميائيه...
او نشاط لمادة الفيزياء ... في درس البطاريات.......
وانا وديتها المدرسه بالمره عجبت معلمة الفيزياء والكيمياء....
يللا عاد ابغى اشوف تجاربكم...
وانتظر ردودكم....
لان اذا شفت ردود كثيره راح انزل تجربتي الثانيه وهي صناعة بطاريه تشغل الآله الحاسبه. ....