تجربتي لخلطه النشاء زيت النارجيل لا للتساقط وأهلا بالنعومه والكثافه ودعي مشاكل الشعر

1. 6 ملاعق نشآ

السلام عليكم
كيفكم بنوتات؟
كيف شعوركم آكيد مثلي كل وحدة تدور حل لشعرها متقصف بآهت مآيطول وكل مشآكل الشعر فيها
آول شي هذي التجربه خآصه فيني مو منقوله ولاشي بعد ماجربتها وشفتها حلوة قلت لازم آفيدكم مثل مآستفدت
وثآني شي ملاحظه انه قسم الشعر صآر كنه قسم المول كل مادخلت موضوع دعايه لزيت عندها وكذآ
يآريت يكون كله تجارب مو منقول شي استفدتي منه آفضل من منقول مانعرف تستفسر ولاشي ودعايآت وفيه قسم مول
آول شي انا مثلكم شريت زيوت من تاجرات ومشاء الله مانكر انها مو حلوة بلعكس مابي أذكر اسماء التاجرات لان مو هذا موضوعي موضوعي عن خلطه آستخدمتها <زين اخلصي علينا
وقبل كل شي انا شعري مو مصبوغ يعني مادري لو ان الخلطه راح تغمق لون الشعر او لا انا محطيه اعشاب هنديه بشعري ومشاء الله روعه مفرود بس مو كثير حليوه أفضل من اول يعني ولازم الإهتمام بلشعر حتى أرجع له حيويته اللي راحت بسبب الصبغات وكل سنه قصه جديده والشعر راح
يالله ركزو معي حتى تكون أسئلتك كلها واضحه بلموضوع
أول شي بسم الله
زيت النارجيل
وهذي نفس علبته خضرآ مو الزرقآ لان ماجربتها ومادري تطلع نفس النتيجه او لا
وثآني شي نشآء الأكل اللي علبته صفرآ
هذآ هو
الحين نحتآج علبه بلاستيك آو إللي تبينه لان بنحط الخلطه فيها
الحين نجي للمقآدير

6 ملاعق نشآ

وبآقي العلبه زيت وبعده سكري العلبه ورجيها عدل وبيكون تحطيها كل يوم وقت مآبغيتي
آما بلنسبه للريحه فآكيد بتكون فيه ريحه النارجيل انا آحط طآقيه بلاستيك وآنآم بلخلطه ولا صحيت غسلت شعري بشامبو ميتآل وعادي إي وحده عندها شآمبو تتسبح فيه بس انا خذيت ميتال لانه قدامي ههه ومافيني شده اروح آفتح الدولاب وآجيب ثاني
وطبعا رآح يكون الخليط آصفر فآتح وإذا تركتي الزيت يوم النشا بيقعد تحت ولا جيتي تحطين رجي العلبه عشآن يطلع فوق وإستخدميه..
الحين اللي أستفدت من هذي الخلطه آنا صار ل 3 آيام بس آحس بفرق كثير (وآشلون لو قعدت شهر على هالموآل مشاء الله)
آول شي شعري صاير لين ونآعم مو هذيك النعومه بس تحسين فيه نعومه وعليه لمعه مشاء الله وتقريبا وقف التسآقط آول من آمشط كومة شعر وامس الحمدلله مآطلعت غير شعرتين بس
وثآني شي يسهل التمشيط هذا الشي معقدني لاني آتسبح وآسوي كعكه ويقعد يتشآبك وآحس آمس وانا امشط كان كويس ماتعبني مثل دايم
وبعده آصير مؤدبة وآسوي عنقوصين كني رقية بس والله حلوين <مثل ذي بس مو وآقف والله ههه
بنآت مو تحطونه وتروحون تجهدون شعوركم مثلا تصبغين آو تستشوورين بشكل دآيم وماعندك مناسبه اللي تسوي كذا من الحين تريح نفسها لان هالخلطه رآح ترجع حيويه شعرك يعني مايصير تتعبين شعرك وتستخدمينها
آنآ ماستشور شعري غير بلطلعات وموكثير آطلع يعني ممكن آكثر من شهرين مآستشورت لان مو بحآجته اللي تشوف نفسها ممكن تستغني عنه حلو آفضل لها
آما المتزوجآت مايصير يحطوها ويروحون عند آزواجهم لان ممكن آي لحظه يقول برآآآآآآآآآآآآ
الافضل حطيه وهو بلدوام وطبعا لا تنسين تبخرين شعرك بعدها لين تروح الريحة لان آحس تمسك شوي
يآالله بنآت آهم شي ابي تفاعل حتى لا جربت بنفسي شي حطيته لكم تستاهلون
ومآبي منكم غير هالدعوة
ويآويل اللي تدخل وتكتب موفقه ومآتقول
(الله يسهل الأمور و يحقق اللي ببالي عاجلا غير آجلا)