تجربتي مع التونيك الماليزي لمدة اسبوع فقط

1. السلام عليكم ورحمة الله وبركاته


2. المهم راح اعطيكم تفاصيل الاستخدام والنتيجه

السلام عليكم ورحمة الله وبركاته

بصراحه يافراشات من لحظة ماقرأت موضوع التونيك وانا حاسه انه راح يجيب نتيجه لاني بصراحه ما اصدق اي شي بسهوله او ادفع فيه بسهوله الا اذا كنت مقتنعه لكن التونيك ما ادري حسيت انه الحل بالنسبه لي لان شعري تغير وصار ماهو زي زمان

المهم راح اعطيكم تفاصيل الاستخدام والنتيجه

مدة استخدامي له اسبوع كل يوم احطه بعد صلاة العشاء واذا كان ماعندي دوام الصباح بدري ما اغسل شعري غير الصباح قبل طلعتي من البيت واذا عندي دوام بدري اغسله قبل انام المهم يجلس على شعري لمدة لا تقل عن اربع ساعات وخلال المده هذي ما استغنيت عن استخدام الاستشوار كنت استخدمه لكن بشكل غير يومي
الكميه اللي استخدمتها تقريباً علبه مع اعتبار شعري قصير لكن كنت اركز على فروة الرأس ومنابت الشعر
النتيجه طبعا بالنسبه لي رائعه اول ملاحظه كانت حيويه ولمعه في شعري اكثر من اول ويمكن احد يبي يعرف نوع الشامبو اللي استخدمه هو بانتين مع البلسم وبديل الزيت
النتيجه الثانيه في منتصف شعري خصله اعاني من جفافها ونفس الشي في مؤخرة شعري عند الرقبه خصله جافه وتعقدني لاحظت ان الجفاف والتقصف اللي فيهم اختفى نوعا ما ما اقول نهائي لكن فرق كبير بين اول واللحين
والشي الثالث عندي في مقدمة الشعر مناطق صغيره فارغه خاصه في الاجناب لاحظت وبقوه انه طلع فيها شعر صغير وكثيف وصار منبت الشعر الامامي على خط واحد مافيه اي مناطق فارغه
طبعا لا ننسى ان طبيعة شعر كل وحده منا تختلف وسرعة الاستجابه لأي شي نستخدمه تختلف ممكن اي وحده منكم تكون استمرت عليه نفس المده او اكثر ولا حست بأي نتائج او تحسن لذلك لاننسى اختلاف طبيعة الشعر بين كل وحده والثانيه
ءاسفه على الاطاله بس حبيت اعطيكم نتائج استخدامي للتونيك
لاتنسون تذكرون الله (( ماشاء الله ))