تجهيز وماجهزت

.. غزلان ..

25-07-2022 - 11:41 am

السلام عليكم خواتي
هاي اول موضوع انزله فمنتدى واحترت وترددت وايد قبل مانزله
بس السالفة ومافيها اني باتزوج عقب 4 شهور وليحين ماشريت ولة شي ... ولة شي!!!!!!!!!
ومابي الموضوع يكون مكرر او اثقل عليكم بس واللي يسلمكم ابيكم تمشون وياي خطوة خطوة
يعني اللي بتقول لي لازم تاخذين قمصان نوم او جلابيات او اي شي ابيها تقول لي بالتفصيل مثلا العدد والالوان والاسعار حتى الاماكن اللي باحصلفيها الاشياء
لا تردوني محتاجة احد يوقف وياي ويمشي معاي خطوة خطوة
ومسامحة اذا باطول عليكم وسامحوني مقدما عالاسئلة
اختكم دمعة

التعليقات (9)

ريوومه

25-07-2022 - 02:53 pm

اول شي الف مبروك
بعدين بالنسبه للتجهيز يختلف من بنت للثانيه
مثلا كم المهر؟
بتسوين فستان زواج والا لا؟
بتوفرين من مهرك ؟
ناويه تشترين ذهب والا الماس؟
انتي من النوع الي تنعزمين في مناسبات كثير؟؟ والا من النوع الي مناسباتك مو كثير؟؟ عشان تعرفين كم تشترين فساتين سهره
عموما الي يقدر يفيدك صدق اهلك
واذا احتجتي اي شي او احترتي في اي شي انا تحت امرك
لاني انا اجهز وزواجي بعد اربع شهور
والي بشتريه اقولك وانتي شوفي وش رايك

الكايده..

25-07-2022 - 03:55 pm

الله يوفقك حبيبتي
والتجهيز ماتوقع انه بهالصعوبهوبعدين اذا تبين تفااصيل مثل هي اسالي خواتك او قرباتك لانهم اكيد يعرفون الالوان اللي تناسبك
واذا فية شي معين اسلي ياقلبي

اميييرة الورد

25-07-2022 - 04:56 pm

والله اختي انا مثلك بالضبط ولا جهزت ولاشي****
ان شالله الفراشات ماايقصرواا معنا وينصحونا**

نوره وكمان نوره

25-07-2022 - 05:57 pm

الله يعينك صراحه وعلى فكره التجهيز موصعب لكن على حسب الناس الي راح تدخلين عليهم يعني حسب الكشخه

.. غزلان ..

25-07-2022 - 06:58 pm

طمنتوني الله يطمنكم
انا كلما سالني احد ها وين وصلتي بالتجهيز اقول ليحين ماسويت ولة شي يقولون لي بي المفروض من زمان مبتدية وانتي هلون مابتلحقين و
الله يريح بالكم انشالله
بس ابي اعرف شنو الاساسيات
يعني شابتدي فيه اول شي؟ وبعدين شنو؟ هلون خلني امشي وياكم شوي شوي
يزاكم الله خير

تواقة الجنان

25-07-2022 - 07:59 pm

التجهيز امتع شى قبل الزواج

الطيف الخجول

25-07-2022 - 09:00 pm

والله ياعمري انتي اهون مني انا باقي على زاجي شهرين ولحد الأن ماسويت ولاشي
بس بإذن الله اقدر اخلص قبل العرس....
وعسى الله يوفقك ويوفق كل عروس

&نهى&

25-07-2022 - 10:01 pm

حبيبتى الله يوفقك ويسهل لكى الاحوال
انا مثلك زواجى بعد اربع شهور وانا بجهز دلوقتى
بصى اهم حاجة هدومك واكسسوراتك ومكياجك وعطورك ركزى عليهم
يعنى القمصان نوعى فيها واشتريها بكل الالوان قصير وطويل
وهاتى جالبيات للضيوف وجلبيات قصيرة
وبجامات ستان وبجامات قطن شورت وبنطلون
هاتى ملابس داخلية وكمان ارواب
اما المطبخ معروف ( حلل - صينى- كوبيات- كاسات- صوانى- طاسات-ملاعق - طقم التوابل-
حبيبتى خايفة انسى حاجة على العموم انا تحت امرك فى اى وقت
الله معكى ومعى كل عروس

ريوومه

25-07-2022 - 11:02 pm

لا تركزين على شي معين
اذا رحتي السوق ادخلي محلات القمصان والي يعجبك خذيه ابد لاتترددين وحاولي تنوعين
ودخلي محلات البدل والفساتين الملابس الداخليه
والجزم او الصنادل حاولي انك تاخذين كل الالوان
يعني دخلي كل المحلات وخذي الي يعجبك لا تترددين
والعطورات اذا سمعتي عن عطور حلوة روحي خذيها والمكياج
واذا كنتي ناويه تفصلين فساتين سهره روحي وفصلي اول شي
يعني شوي شوي وبتخلصين

الله يخليكم يا بنات المدينة←
أفضل محل خياطة في الدوحة→