تحبين تميزين دفتر بنتكتعالي حياك معنا

بسم الله الرحمن الرحيم
صباح الخير على أحلى عرايس
شخباركم وشخبار طلابنا المجتهدين
اكيد كل ام حريصة عل تفوق اطفالها وتهتم بكل التفاصيل الصغيرة قبل الكبيرة
من المحافظة على الكتب الى اداء الواجبات في وقتهاوعمل الوسائل والانشطة والمذاكرة وصولا الى الدفاتر وما ادراك ما الدفاتر
بالنسبة لي كأم مهم عندي ان الدفتر يكون نظيف والخط مرتب وواضح والدروس مدعمة بالصور المناسبة
واحب ازين دفتر بنتي باللي الله يقدرني عليه لأني احب اميز بنتي في كل شي وهذا يعطيها ثقة في نفسها خصوصا لما تسمع كلمات الاطراء من مدرستها وصديقاتها
الفرحة اللي اشوفها في عيونها وهي تعلمني اللي قالوه عن دفترها تسوى الدنيا وما فيها وتنسيني كل تعبي
لكن بصراحة خبرتي قليلة في هالمجال وحابة اقدم لبنتي اكثر
شرايكم يا امهات نتبادل الخبرات وكل ام تدخل تقولنا شلون تزين دفاتر بنتها وتهتم فيه ولو تصور لنا مقتطفات منها يكون افضل
وبالنهاية اطفالنا يستاهلون كل خير
اسفة على الاطالة واللي عجبها موضوعي تقيمني
على فكرة اذا شفت تفاعل بحط لكم صور من دفاتر بنتي بس بشرط لا تطنزون لاني قلت لكم خبرتي قليلة
تحياتي
توجان عسيري
منقول لعيونكم