تحبين شاي الكرك دخلي و بعلمج طريقتي بسيطة و سهههلة

السلام عليكم...
أكيد معظمكم سمعتو عن شاي الكرك اذا مب كلكم..للي أول مرة يسمعون فيه هذا شاي هندي..
من زمان كان في خاطري ابا اتعلم طريقته لكن ما عرفت..سألت وحده عن شو يحطون فيه و كيف طريقته و رحت جربت...
ما شاء الله من أول مرة ضبط و شفت اقبال رهيب عليه في البيت و خلصت الدلة من اول يوم!
أحين لازم نسويه يوميا ً....
هذي طريقتي و ان شاء الله تعجبكم..
أول شي بسم الله..
المقادير:
3 أكواب ماء
9 ملاعق حليب مجفف
فنجانين سكر
3 أكياس شاي ليبتون- طبعا ً تفتحون الأكياس عشان تطلعون الورق
1 حليب أبوقوس - أنا استعمل اللي فيه هيل عشان النكهة
ذرة هيل مطحون - بعد عشان النكهة - ممكن تحطون زنجبيل اذا كنتو تفضلونه بدال الهيل (اختياري)
ماء ورد قياس غطاة أو غطاتين - بعد حق النكهة و الريحة (اختياري)الطريقة:

• حطي القدر على النار
• صبي الماء
• ضيفي الحليب المجفف
• اخلطيه شوي حتى ما تصير كتل في الماء
• ضيفي باقي المقادير واحد ورا الثاني مع مع التحريك المستمر حتى يختلط كل شي بطريقة ممتازة و تضمنين عدم التصاق الحليب في قاع القدر...
• لا توقفين عن التحريك حتى يبدأ الخليط بالغليان
• صفي الخليط و صبيه في الدلة..

بالهنا و الشفا...
ان شاء الله عجبتكم طريقتي...
أي أسئلة أنا حاضرة...