تحذير من بودرة ماك

1. كيفكم يافراشات جاني هذا الخبر على ايميلي الخاص وحبيت انبهكم


2. (اللهم قد بلغت اللهم فاشهد)

السلام عليكم ورحمة الله وبركاتة

كيفكم يافراشات جاني هذا الخبر على ايميلي الخاص وحبيت انبهكم

(اللهم قد بلغت اللهم فاشهد)

والله أنا مصدومه صدمة العمرصارلي أسبوع راجعه من ميونخ وبسولف لكم شنو صار.. انا حامل بالسادس قبل لا اسافر بيومين بشرتي بدت تتعب حيل اطلعتلي على اليمين واليسار بخدودي بقعتين حمر نفس هايدي الباباي مادري من شنو رحت بو حمره قالي اغزيما من الحمل وبنفس الوقت انا مغيره بودره الاساس وشاريه بودره ماك ستيديو fix المهم بالسفر ومع استعمال البودره اليديده البقعتين صاروا جنهم حرق ؟؟؟ رحت دكتوره جلديه بميونخ والله قامت تهزأني وتصارخ علي يوم سالتني شنو نوع المرطب مع الفاونديشن اللي احطه ماتت يوم درت ماك قالتلي ماركه ماك (مليئه بزيوت الشحوم) اصلا هالماركه للآرتست اي الممثلين وللتصوير والكاميرات هالماركة دمار للبشره محتوياتها من اثقل انواع الميك اب لانها تحتوي على شحوم ومن التخلف ان الوحده تستخدم هالماركه للاستعمال اليومي هذا هلاك للبشره ودمار للانسجه والله انها صج انصدمت يوم قلت لها .. وبقلبي اقول عيل لو تشوفين باجي البنات عندنا بعز الصيف فاونديشن ويودره وبلاشر ماك والشمس ترقع فينا والرطوبه ؟؟؟؟ والله قالت اذا ما بين عليكم الحين باجر النفر والدمل ياكل ويوهكم انا مت من الخوف والله وقلت لازم ابلغكم لان والله العظيم فعلا اول ما قطعته بشرتي رجعت ما شاء الله احسن من الاول لا اغزيما ولا تأليف من دكاترتنا ولا طيخ وديروا بالكم على صحه بشراتكم لان البشره بالذات حتى عمليات التجميل ما تنفع معاها .. وسلامتكم يارب
حتى انا دكتورة الجلدية سعاد لطفي حذرتني من الماك وقالت لي مايصلح لجونا الحار
!