تحذير من عدسات فريش لوك

اخواتي انا استخدم العدسات من زمان من جم سنه يعني ، كنت اخذت عدسات كولور تونز وكانوو زينين ، بس بنات مدحوو لي فريش لوك ، وشريتها وكنت مو مرتاحه فيها بس قلت اكيد لاني عيني تعبانه او شي ، والعدسات ما تخلص مدتها واروح اشتري وحده ثانيه وانا على بالي ان العيب في عيني ، والله اني ليله العيد كنت شاريه عدسات جديده من نفس الماركه قلت عشان ارتاح فيها في العيد ، يوم العيد طلعت واحس في ضباب على عيني ، والله اني ما استانست كنت متضايقه طول الوقت، كنت باكلم المحل بس كان مسكر ، انتظرت 3 ايام ورحت قامت اللي تشتغل وسوت سالفه وقالت مو من العدسات اكيد من عينج ، قلت لها طيب فحصيها شوفي يمكن فيها شي ، المهم انتظرت كم يوم واتصلت فيني قالت لي تقدرين تاخذين جديده ، وبالفعل خذيت بس بعد ما كنت مرتاحه منهم ، وعيوني قامت تدمع وصارت حمره ولما انام واقعد الصبح اشوف عيني لاصقه ، تطلع ماده منها ، المهم رحت ركضه لدكتور ، قالي عيونج ملتهبه وايد من العدسات ، والحين عطاني قطره استخدمها من مده ، بدون ما البس العدسات (( طول هالوقت البس نظاره )) الحين عيوني صارت احسن شوي ورجعت وشريت عدسات جديده من نفس نوع عدساتي القديمه والحمدالله الحين احسن...
فحبيت احذركم من عدسات فريش لوك ، لاني يوم سويت بحث باسمها في المنتدى طلع مو بس انا اللي اعاني منها ، طلعت تسبب صداع بعد ... بنات ترى حتى المحلول مالهم مو زين.....حرام عليهم يلعبون في عيون الناس الصراحه....
عاد انا يوم شفت اللي صادني قلت لازم احذر اخواتي لا يتورطون فيها ، وادعوولي عيوني تصير زينه ويروح الالتهاب نهائي
منقول للفائدة