تحذير

تحذير للواتى يصبغن حواجبه ن في الصالونات
السلآم عليكم ورحمة الله وبركاته
من كم يوم رحت الصالون اقص شعري،
و هذا الصالون يحف الحواجب و يشقرها
و يصبغها بشكل حلو ومشهور ان شغله حلو.
( و هذا محرم شرعاً )
ولما نسألهم عن صبغة الحواجب يقولون هالصبغه احنا نسويها بالصالون
وطبعاً انسوا يقولون لكم ماهذه الصبغه . .
ولما رحت اقص شعري كان موسم عيد و الصالون مليان مافيه مكان!!
قالوا لي انتظري شوي في قسم غسيل الشعر لحد ما يجى دورك . .
قعدت انتظر في قاعة غسيل الشعر وكان فيها خزانه يخزنون فيها
صبغات الشعر و كل شي يحتاجونه بالصالون . .
وأنا أنتظر شفت اللي تصبغ الحواجب دخلت و فتحت هالخزانه
و طلعت منها علبة صبغة طلعت منها البودرة وحطتها بعلبه
و حطت عليها شوي ماي ورجعت قاعة صبغ الحواجب
علشان تصبغ للزبونات بعد ما قطت العلبه . .
انا استانست وأخيراً راح أعرف سر الصبغة اللي يصبغونها للحواجب!!
رحت وأخذت العلبه و صورتها عشان اشتري مثلها واصبغ بروحي في البيت . .
وهذي الصبغة اللي يصبغون فيها حواجبنا
رحت الجمعيه و شريت الصبغه بعد ما دورت عليها عدل . .
وهذي هي بعد ماجهزتها علشان اصبغ فيها
بس قبل لا اصبغ حبيت أقرا ورقة التعليمات ،
وتفاجأت بتحذير من صبغ الحواجب و الرموش لأن هذا الشي يسبب العمى !!!
يعني تخيلوا طول هالمده قاعدين يصبغون حواجبنا بصبغه تسبب العمى بعيد الشر!!!
والله ان الصبغه انا مصورتها بالصالون يعني هي نفسها نفسها وفيها تحذير!!
حبيت احذركم خواتي عشان ما تسبب لكم العمى بعيد الشر
والله يكافيكم شر هذي الصبغات!!
م/ن