تحطمت حياتي

1. أنا وحده متخرجه من الجامعه وبعدها ع طول دشيت بسوالف النت والخرابيط


2. اتعرفت على شباب


3. سكت وقعدت اصيح وقعد يصرخ علي ويهديني

السلام عليكم ورحمة الله وبركاته
حبيباتي.....
أنا سالفتي سالفة بس حبيت اقولها لكم واسمع ارائكم

أنا وحده متخرجه من الجامعه وبعدها ع طول دشيت بسوالف النت والخرابيط

اتعرفت على شباب

مع اني ما كنت جي عرفت انسان بالعكس كان صريح معاي بكل شي وقريب من منطقتنا المهم هالانسان من النوع الغامض قالي وايد اشيا عنه اسمه عمره مكانه وكل شي بس هو ما طان ناوي يتزوجني وصارحني بهالشي ما يقدر لانه كان يدرس وما يبي يعلقني باوهام مرت اشهر معاه حبيت قلبه وطبايعه بس بالاخير صحيت بغيت اتركه لني ابي ارضي ربي وما شي فايده كنت كل يوم ادي دعاء الاستخاره واقول يارب من اراد بي سوء اجعل السوء فيه كل يوم ارددها وتقريبا بكل صلاه وكنت ادعي عسى ربي يسترني وعقبها يتني سفره فجأه لعند اخوي ف بلاد عربيه مع امي واخوي ال2 بدون سابق انذار وما رفضت مع اني علاقتي باعيال اخوي ومرت اخوي مب لذاك الزود وعقبها طولت شهر مع العلم اني من سافرت هو ما سأل وتغير علي ما اعرف ليش وبيني وبين نفسي كنت اقول احسن كنت اشوفه بالمسن بس كنت احطي دون اتصال وما اقدر ارمسه كنه في شي يمنعني عنه بس مره كنت اطرش له مسجات اعاتبه رد سألني متى بترجعين عطيته تاريخ رجعتي بس قدر الله ان اخوي ما يبيني ارد اطول عسب اعياله وسبحانه الله تميت وانا ما كنت ابي ارمسه ابي اقطعه وعقبها رديت البلاد وانا راجعه كانت عندي حفلة تخرج رحت واحتفلت واهلي احتفلوا واستانست وعقبها باسبوعين وصلني رقمه الشخص نفسه بس كان مس كول تضايجت وانصدمت ويتني كآبه قلت شو يبي مني خلاص بعدها بيوم وصلني رقم غريب وكنت اشك من صوبه عقبها وصلني مسج ان هالرقم من رفيج فلان قلت لها بمسج شو تبي ما رضيت اكلمه تتخيلون شو قال لي؟؟
قال لي فلان مات الله يرحمه وسامحيه والله ما حسيت بعمري الا وانا اتصل بهالانسان واقولها شو تقصد؟؟

سكت وقعدت اصيح وقعد يصرخ علي ويهديني

بس شو اكتشفت فلان الله يرحمه اللي مات اسمه غير عمره غير مكانه غير كل شي غير كل شي جذب انصدمت كان يحلف لي كان يجذب علي ويقولي محد يعرف عنج مستحيل اقول لحد ما احب اخبر حد بس طلع قايل لربيعه اللي رمسني كل شي عني واللي صدمني كان يدور بيتنا لنه عارف رقم سيارة اختي وكان يدورها كنت صادقه معاه بكل شي الا اسمي ومكاني بس انصدمت ليش جي؟؟
الله يرحمه مب قصدي شي بس تذكرت دعائي كله خير ربي كان يحميني من شي بس احين عندي مشكله 2 ربيعه اللي قالي الخبر كان تعبان نفسيا وكان يبي يواسيني ومع العلم انه كان ربيعه الروح بالروح يعني اكثر من اخوان بدى يتواصل معاي واستمر معاي وحبني بس هو ال2 بعد ما يقدر يتزوجني عسب ربيعه وهو غلط انه اتواصل معاي والحين نحاول نصلح الغلطه ونترك بعض بس بنفس الوقت ما نقدر هو بكل شي صريح معاي وبوايد اشيا ضحى ووايد اشيا سواها عشاني لو اقولكم ما راح تصدقون
تعبت ابي ربي يهديني ابي اتوب ابي اخليه بس بنفس الوقت يعور لي قلبي ويسكت ويرضى باللي ابيه كم مره يصيح لما اقسى عليه اطنشه يقولي بس عطيني يوم حلو وخليني
تعبت بتقولون خليه بس انتوا مب حاسين بمعناتي وما جربتوها ابي اسير العمره ابي اغير جو ملليت تعبت بس دايما اتفائل ربي يهديني وبيرزقني بالزوج الصالح اللي يستر علي دخيلكم ادعولي