تسرق من زوجها بدون مايدري وش رايكم

1. قالت لها أم عبد الرحمن: كيف ؟

السلام عليكم ورحمة الله وبركاته
هذي القصة سمعتها من زمان في احد الأشرطة لكن نسيت اسم الشريط وصاحبه لكن لصقت في ذهني لأن فيها حكمه
فيه صديقتين جالسين مع بعض قالت ام محمد لصديقتها أم عبد الرحمن :
اليوم زوجي جاب لي هذي الهدية لأني أنقذته من الخسارة الفادحة اللي صارت له في تجارته .

قالت لها أم عبد الرحمن: كيف ؟

قالت زوجي تاجر لؤلؤ وكان كل يوم يجيه دفعة من اللؤلؤ ويجيبها للبيت وإذا جاء الصبح راح يعرضها على التجار عشان يشترون منه طبعا ماكان يعرف عدد حبات اللؤلؤ فكنت كل يوم أخذ حبتين لؤلؤ وأخبيها عندي في صندوق لليوم الأسود على قولتهم وهو مايدري
وبعد سنين جاء زوجي وهو مهموم وضايق صدره قلت له وش فيك ؟
قال: يا أم محمد السفينة اللي فيها البضاعة غرقت باللي فيها وأنا كنت حاط في هذي البضاعة كل أموالي والحين راحت علي .
فقلت له :ولا يهمك ياأبو محمد أفتح الصندوق اللي في الغرفة وخذ كل اللي فيه
قال : لا ماراح أخذه هذا ذهبك اللي عطيك يوم زواجنا وهدايا مني لك مستحيل آخذه لو أجلس أشحذ عند المساجد مابعت ذهبك
قلت له :من قال لك أني اقول خذ ذهبي انا أقول خذ اللي في الصندوق
قال: وش في الصندوق ؟
قلت: افتحه وخذ اللي فيه .
لما فتح الصندوق شافه مليان لؤلؤ قال لي :من وين هذا اللؤلؤ فعلمته الحكاية من أولها لأخرها فأعجب بفعلي ومن بعدها صرت غالية عنده بالحيل وجاب لي هذي الهدية
قالت لها أم عبد الرحمن : ما شاء الله عليك تصدقين أنا نفس الشىء زوجي تاجر وكل يوم يجيب بضاعة ما عمري فكرت أخبي له لكن من اليوم وطلع راح ادخر له .
قامت أم عبد الرحمن كل ماجاب أبو عبدالرحمن بضاعته أخذت منها حبتين وجلست على هالفعل سنين .
في يوم من الأيام جاء أبو عبد الرحمن للبيت وهو ضايق صدره قالت له ام عبد الرحمن :وش فيك عسى ما شر ؟
قال :المخازن اللي فيها بضاعتي احترقت وصرت على الحديدة .....
وفي هذه اللحظة ضربت أم عبدالرحمن صدرها وقالت ولا يهمك ياابو عبد الرحمن أفتح الصندوق اللي في غرفتي وخذ اللي فيه كله ..
قال لها زوجها :حاشا لله ما آخذ ذهبك لو اموت جوع .
قالت له من قال لك أني اقول خذ ذهبي أنا أقول خذ اللي في الصندوق وبيعه وأبدا تجارتك من جديد ترى اللي في الصندوق من مالك .
راح أبو عبد الرحمن للصندوق وفتحه ولما شاف اللي في الصندوق صرخ في زوجته وقال :
أطلعي برا الغرفة لاعاد أشوف وجهك ضفي عيالك وروحي لبيت اهلك
تعرفون وش لقى أبو عبد الرحمن في الصندوق ؟
لقى روزنامات او تقاويم السنوات اللي فاتت لأن بضاعته كانت روزنامات
بالله قولوا كيف راح تنفعه ؟
شوفوا وشلون تصرفت هالغبية ........
فالأسلوب اللي نفع مع زوج أختك أو صديقتك أو قريبتك قد لاينفع مع زوجك
هاه وش رايكم بالقصة ؟
وهل كلامي صح والا خطأ ؟
من قول