تشيز كيك بالباي فليينق ستروبري من مطبخي

السلام عليكم ورحمة الله وبركاته
المقادير:
بكات ونص بسكوت شاي اولكر
اصبع زبدة و زيادة غير مملحه
5 بيضات
2 علبه جبنه فلاديفيا صغيرة
كأس سكر (المعيار كأس جبنه كرافت الطويله )
ملعقه صغيره فانيلا
علبه قشطة السعودية والافضل غير قشطة التاج
علبه باي فليينق ستروبري
الطبقه الاولى
بكات ونص بسكوت شاي اولكر مطحون ناعم + اصبع زبدة او زيادة = يخلط مع بعض حتى يتجانس
ويوضع في صينيه قابله للفك ويضغط على البسكوت في الصينه
الطبقه الثانيه
في الخلاط كل من (5 بيضات + ملعقه فانيلا + كأس سكر ) ويخلط قليلا حتى يتضاعف .. ثم نضع 2 علبه جبنه فلاديفيا الحجم الصغير ويخلط قليلا.. ثم نضع علبه قشطة ويخلط بالخلاط لمده دقيقتين المهم حتى يجانس الخليط مع بعض..
وتوضع في الفرن حتى الاستواء وممكن اختبار طريقه الاستواء بوضع الشوكة ..
ثم توضع في الثلاجه حتى تبرد قليلاً
الطبقه الثالثه
وضع الباي فليينق ستروبري وتوضع في الثلاجه حتى تبرد وتقدم
وهذي صورة الباي قليينق من النت اللي ماتعرفها وفيه انواع فرشلي وامريكا وو
اللي حطيتها من ماركة فرشلي
ان شاءالله تعجبكم...