تشيز كيك بالشوكولاته بطريقة نسايم

المقادير
4 ظرووف دريم ويب >> وتقدرين تبدلينه بكريمة الخفق
3 كاسات حليب بارد
2ظرف كريم كراميل
ربع اصبع زبده
ملعقه ك شوكولاه بودره
قطع شوكولاه اي نوع تحبين>> انا استخدمت حبوب هيرشي يمكن ثلاث ارباع الكوب
الطريقه
الطبقه الاولى
اطحني اي نوع كيك عندك جاهز واخلطيه مع شوية حليب سائل وزبده
ورصيه في الصينيه لازم يكون متماسك وحطيه في الثلاجه او الفريزر
الطبقه الثانيه
اخفقي الحليب البارد مع الدريم ويب باالمضرب الكهربائي الى ينتفش معك ويتضاعف حجمه
وحطيه في الثلاجه
جيبي قدر وحطي فيه الكريم كراميل مع بيالة ماء وذوبيها اذا حسيتي انه قرب يغلي حطي فوقها الزبده وحبوب او قطع الشوكولااه وحركيها الى ان تسيح مع بعض وتذوب مع الكراميل وشيليها من على النار وخليها تبرد
بعدين جيبي شوي من خليط الدريم ويب اللي سويتيه ,, يعني ملعقتين كبار او ثلاث ملاعق واخلطيها مع خليط الشوكولاه اللي سويتيه
وحركيها زين عشان اذا اضفناه على خليط الدريم ويب ما يتكتل معك
الحين اضيفي الشوكولااه اللي سويتيها على الدريم ويب بس انتبهي اذا جيتي تمزجين الشوكولاه مع الدريم ويب حاولي انك تخلطيه من فوق لتحت(بهدوء) يعني انتبهي لا يروح الهواء اللي في الدريم ويب ويخرب عليكي
وبعدين صبي الخلطه على الكيك في الصينيه ودخليه الثلاجه او الفريزر
انا بصراحه حطيته في الفريزر لاني كنت مستعجله وتركته ساعتين وتجمد...
بعد ما يتجمد رشي عليه شوكولاه بودره..
وبالهناء والعافيه..
ان شاء الله الطريقه واضحه
تحياتي لكم..