تشيز كيك من مطبخي بالصور

كيفكم بنات؟؟؟ اخباركم؟؟؟
عاد انا فاشلة بالمقدمات بدخل في الموضوع على طول
المقادير:
1 و نص كوب بسكويت دايجستف مطحون
وهذي صورة البسكويت للي ماتعرفه
ربع كوب زبدة ذايبة...نخلط البسكوت والزبدة مع بعض ونرصهم بصينية وسط متحركة القاعدة
مقادير الخلطة الي فوق البسكويت:
0حبة كيري(((اتخيل اشكالكم صارت كذه ... ))) او 800 غرام جبنة فيلادلفيا او اي نوع تفضلين...انا احب الكيري احس اطعم
نص كوب سكر ناعم مطحون
5 بيضات
ملعقة صغيرة خلاصة الفانيليا
علبة كبيرة حليب نستلة مركز
2ملعقة زبدة ذايبة
ملعقة كبيرة عصير ليمون....نخلط اول شي الجبن لوحده الين يصير زي الكريمة بعدين نضيف باقي المقادير بالخلاط ونخلطها زين
وبعدين نصبها على البسكويت ونحط الصينية في حمام مائي وتكون درجة حرارة الفرن 150 درجة مئوية لمدة ساعة او لمن تمسكيها من الوسط وتحسيها جمدت
انا في بيتي اسوي صراحه نص المقادير يعني 20 حبة كيري على قدي انا و زوجي واخليها بالفرن نص ساعة بس...بس لو تسوينها بنفس المقادير الاصلية يصير شكلها خيال ومتينة
المهم
بعد ماتخرج من الفرن خليها تبرد شوي وبعدين زينيها بpie filling و هذي صورته وفيه منه نوع بالفراولة ونوع بالكرز بس انا احب البلو بيري اكثر ...وكل وحده و ذوقها
وتخليها تبرد بالثلاجة لايقل عن ساعة
وهذي صورته بعد التقطيع
ومن جهة اخرى <<كانها بتعرض شي للبيع
جربوها يابنات والله ماراح تندمون ...ترا مره لذيذة تشبه تشيز كيك سعدالدين
عاد الله الله بالردود ترا والله تعبت شكلها اول واخر مره انزل موضوع بقسم الطبخ والله شغله تحميل وتنزيل صور خ
عاد ما ابي منكم الا دعوة وحده ان الله يتمم حملي على خير ويسهل ولادتي ويرزقني بالولد الصالح يارب..