تشيزكيك أم زياد بالتوت الازرق تعالوا بالصور

**تاج الوقار**

04-11-2022 - 07:42 pm

هلوو هلو فراشات
وش تبون اول المقادير ولا الصور
اكيد الصور عشان الحماس
المقادير
جبنة فيلادلفيا نص العلبه
ظرفين دريم ويب
لبن زبادي علبة صغيره
علبتين قشطه
ظرفين جيلو تذوبينه في كاستين موية كاسة حارة تذوبينه فيه وكاسة بارده
الجيلو اختياري اما اناناس او ليمون انتي وذوقك
اخلطيهم كلهم مع بعض بالمضرب اليدوي مو لازم تتعبين نفسك بخلاط وحوسه وغسيل مواعين
وخليهم يبردون شوي في الفريزر ربع ساعه تقريبا
اطحني علبة بسكوت واخلطيها مع اصبع زبده
ورصيها في الصينية المتحركه
وخليها بالفريزر تبرد عشان تتماسك
بعدين صبي الخلطه اللي سويناها اول على البسكويت وخليها تقريبا 3 ساعات بالفرير
وقبل التقديم بربع ساعه طلعيها الدنيا حرر موت يمديها تصير برودتها حلوة في ربع ساعه
وزينيها باي خلطه تحبين
ممكن تسوين جيلي وتصبينها فوقها بعد ماتتماسك الخلطه وتدخلينهاالثلاجه مره ثانية عشان يتماسك الجلي
او فراولة طازجه وتصبين فوقها جيلي فراولة وتتركينها تتماسك
او مثل ما حطيت توت ازرق تلقونها علب جاهزة اشكال وانواع اختاروا اللي تحبون في قسم الحلويات او الفواكة المعلبه
يارب عجبتكم طريقتي وانتظر ردودكم

التعليقات (8)