تطبيقاتي ابداع

1. بصراحه شي لايقاوم بس عدلت فيه <ماترتاح حتى وتعدل

صباح الخير ..كيف الحلوين
أول شي مبروك عليكم إكراميات الملك وبمناسبة سلامته صلحت جمعه < ههه ياهي قويه يالنصابه........أمزح عليكم
لاوالله نبدأ في الجد كان يوم الأربعاء عندي جمعه بنات وقبل فتره كنت أفر في المنتدى علشان أصلح حلويات للقهوه يعني شي مو متعوده عليها وحصلت كم طبق أعجبني
أول واحد كان حلى الرافايلو من أطباق دندونه والله يابنات كلمة ابداع قليله وكل من ذاقه قال نفس طعم الحلاوه جربوه ماأنتم خسرانين والله يعطيها العافيه ويوفقها في حياتها بصراحه شرفني قدام البنات كل وحده تاخذ مقاديره من جهه وهذا الرابط إن شاء الله يفتح معكم
وثاني حلى كان حلى المارس شفت حلى الأخت نواشف وما صلحت نفسه بس أخذت من بعض الأفكار بس طلع جنان وربي حتى زوجي انهبل عليه بس أضفت أشياء من عندي وكمان الله يعطيها العافيه ويسعدها في حيااتها وهذا الرابط أللي تبغى تصلح مثله
وهذا تعديلاتي في الحلى استبدلت طبقة الكيك طبعا هو كانت طبقته بيتي كروكر بس أنا ماأحبه كثير وحطيت بداله كيك سفن دايز فتحته نصفين ورصيته في الصينيه وأضفت فوقه حليب محموس وسكر وعلبة قشطه ومديته فوق الكيك بعدين كملت الباقي مثل ماهي مسويه الطبقه الصفراء وطبقة المارس وزينتها بالفليك وربي طلع جنان لو أعرف أنزل الصور كان نزلتها بس للأسف حاولت كم مره بس ماضبطت معاي
وثالث حلى كان حلى ايس كريم الكاسات اخذت فكرته من منتدى ثاني واسمه ايس كريم الساندويش

بصراحه شي لايقاوم بس عدلت فيه <ماترتاح حتى وتعدل

المهم أخذت نص الأيس كريم وقسمته بالنص انتبهو مافتحته ورصيته في الكاسات وصلحت فوقه دريم ويب وكريمه كرامل وكريمة الخفق وجينة كيري وخلطتها سوا بعدين كسرت اوريو كسر صغار بس موصغيره مره وخلطتها بالمعلقه مع الخلطه اللي فوق وكسرت جالكسي أصابع وزينت فيه الحلى وبعدين حطيت فوقه خطوط بالهيرشي والله طلع خرافي
وبس
وإن شاء الله تصلحونه وتشوفون كيف ودعواتكم لي الله يسعد كل وحده ترد
تحياتي