تطلقت ولكن

السلام عليكم ورحمة الله وبركاته باكتب لكم مشكلتي او قصتي يمكن احد مثل وضعي او يخفف علي انا في وضع محير و مخيف شوي الزبدة..انا ولدت وحيدة بدون اخوان لكن ابوي وامي منفصلين وانا طفلة صغيرة وبداية طفولتي عشت عند خوالي وامي تتزوج وتتطلق مرات عديدة وتاركتنيلكن ما انجبت بسن ١١ اخذني ابوي عنده في بيته سجن بوغريب كانت معي جدتي ام ابوي وبعمر ١٦ تزوج ابوي وجاني اخوان لكن امهم ما تبيني امسكهم وتوفت جدتي وجلست وحيدة وزاد علي الظلم وبعد سنة تزوجت من قريب لي وهو واهله طيبين مرة وانجبت اطفال وصرت ازور والدتي وخوالي اللي انحرمت منهم سنين لكن ابوي يسوي مشاكل كل ما اروح لهم يحرض زوجي علي وفي مرة زودها لاخر حد طبعا هو انسان موسوس شكاك عصبي معقد نفسيا قال لزوجي زوجتك تخونك مع اولاد خالتها زوجي طنش عارف طبعة لكن لاحظت زوجي صار يتغير بالتدريج شك وعصبية وهواش على ادنى سبب ومراقبة وتفتيش خصوصياتي تغير تماما شخص ثاني وبعد اربع سنوات صبر على حركاته انفجرت وتهاوشنا وصار يضربني قدام عيالنا انصدمت وخفت منه ويومين محبوسة وانقذتني امه ورحت لاهلي وبعد فترة صالحني بس شرطت اسكن فوق اهله لام صرت اخاف منه بس صار العن والعن اليوم يمر بصعوبة ونكد وتضييق ما ارتاح لدرجة اني اتمنى يموت وارتاح منه وتصرفاته تخوف خفت بيوم يذبحني اتصلت على اهلي منهارة واخذوني قلت انا مابيه خلاص تعبت وبعد ايام جاب لي اطفالي ورما الطلاق علي ومشا لحظتها فرحت بس ساعات وصرت حزينة ومر على هذا شهر ونص بعدها ارسل لي جوال جديد مع ولدي لان جوالي كان عطلان كنت بارفض بس خفت يسبب مشاكل لاني ساكنه عند امي وهي مريضة على الحبوب النفسية وانا وياها لحالنا ساكنين عمتي ام زوجي صارت وحدة ثانية تهددني انها تاخذ احفادها اللي هم حياتي واموت من غيرهم وتهددني ان ابوي ما راح يتركني بحالي قلت لها ماله دخل فيني انا كبيرة وام عيال وعند امي بس امي عصبية واحسها متضايقة منا وفكرت ابني في بيتها قسم صغير لي تنا وعيالي عشان ما نزعجها وخوالي ساكنين حولنا نفس الحارة انا حاليا وضعي حزينة وافكر كيف اعتمد على نفسي وخايفة يحرموني عيالي بس ابوي ما اهتميت له لان سبب دمار حياتي وطبعا زوجي تغير وصاير شكاك ويخوف وهاجس انه يذبحني ما يفارقني واحس الزوج اذا شك خلاص ما يتغير بس هو يحبني واحسه يبي يرجعني لكن انا مصدومة من عمتي كيف تغيرت علي وهي كانت زي امي واكثر وخواته تغيرو ايضا محتارة وش اقرر ابي نصايحكم ما عندي احد حكيم اساله او خوات