تطورات قصتي تكفون ادعولي ان الله يفرج همي

1. واشكر كل من رد علي ودعالي الله يجزاكم الجنه

السلام عليكم ورحمة الله وبركاته
هذا رباط قصتي الا ول http://alfrasha.maktoob.com/alfrasha12/thread1577151/

واشكر كل من رد علي ودعالي الله يجزاكم الجنه

وهاذي تطورا قصتي الي منتهت الله يفرج همي ويزيله يارب ويبدله بفرح وسعاده
تكفون طلبتكم ابيكم تدعولي ان الله يفرج همي الحين كملت الشهرين وانا عند اهلي لانيب الي متزوجه ولانيب الي مطلقه زوجي الى الان وهو يحط الوم علي اني انا الي مزعلته ون المفروض اني انا الي اراضيه بس انا ماغلطت عليه
دق علي قبل اسبوع وانا ماارد على اتصالاته دق على امي قال ابي اجي باخذ بنتي بشوفها قالت امي بنتك نايمه قال بجي اخذها عقب المغرب جا المغرب واخذ بنته لبستها وزينتها وكان الجو عندنا دافي وكنت ملبستها فستان كت طلعت من الباب على طول برد الجو وانا ماارسلت معها شي ابد عشان يرجعها لي على طول ارسل لي وش هالملابس البت ضعيفه تقول بردليش كذا وين الاهتمام والرعايه ان كانك ماتقوين عليها بخليها عند اهلي اذا بغيتي تشوفينها دقي علي انا مارديت عليه سفهته بعدين ارسل تبين تفاهمين معي مريتك ارسلت له تعال نتفام في بيت اهلي قدام امي قال بيت اهلك لا سفهته مارديت عليه بعد سعتين رد البنت لي ومن بكره ارسل ليشكلك ماتبين تتصلحين انتي تبيني مااهينك ولا اعصب عليك لازم تسمعين كلامي وتطيعيني وانا والله محترمته ومقدرته بس مايبان في عينه وانا اصور في كاميرت اختي وهي الي تحمضها ارسل لي انت تصورين صور فاضحه وعاريه وانا لبسي مستر وش يضمن لي ان صورك ماتضيع وانا مااحب المره تصور ونتي صورتي وماشورتيني ارسلت له انا ماصورت الا بكاميرت اختي ومايحمضها الا هي وترا الى الحين اصور لاني واثقه بنفسي وماسويت شي غلط ارسل يعني تصرفك صحيح وانا الغلطان والمفروض ماتخذين راايي هذا الي تعلمتيه ارسلت له ايه تصرفي صحيح انا الي مسؤله عنه مانيب عنز عندك تسحبها على كيفك ارسل لي الزوجه الصالحه ماتسوي الي تسوينه الا لين تعلم زوجها وروحي اسالي امك وان كانك مستحيه انا مستعد اتصل عليها واعلمها بتصرفاتك وهي تحكم ارسلت له امي تدري عن كل شي حتى هي تصور معنا انت واحد متحجر خلك عايش بعالمك كذا اقرب الناس بيتخلون عنك ارسل لي اذا انتم عاداتكم تسمح لكم تسوون هالشي لبس الجنزوالتصوير وعدم طاعة الزوج الله يخلف والله يحمي بنتي ارسلت له امك حاطه خلفية لا بتوبها صورتها واختك تلبس جنز موب انا الي تلقى على تربيتي شي تتشرف بنتك تتربى عندنا وانت من النوع الي تشوف عيوب الناس وماتشوف عيوبك ارسل لي لا تقارنين نفسك باختي المراهقه وامي ماصورت الا ماستاذنه من ابوي ومن بكره دق علي ومارديت عليه ارسل لي ترى حطيت لك فلوس تحت الباب اذا خذتيها علميني مارديت عليه ارسل لي موب بكره تقولين حطني عند اهلي وماصرف على بنته ارسلت له الله لايحرمني من امي ماقصرت علي وعلى بنتي لو استنى صرفك كان ماتت بنتي من الجوع واخرتها 400 يستحي يمدها الرجال ارسل لي بدال ماتشكريني نسيتي وش صرفت عليك وبعدين هذا مصروف شهري البنت ماتدرس وانا ماقصرت عليها ومحد قالك تطلعين من البيت بعدين ارسل تبين تتعدلين وتحترميني وتمشين على كلامي رجعتك ارسلت له انا الحمدلله مايحتاج لي تعديل متعدله قبل لاعرفك موب مثلك من يوم عرفتك ونت تهيني وتهين اهلي وانا ماعمري سبيت في اهلك وهذا يدل على احترامي لك ولاهلك ارسل لي انا محترم الي ماحترمني اهلك واهلي محترمينه ارسلت له اهلي محترمينك والي مايحترم اهلي الله يستر عليه ارسل لي انتي ماعاد تتحملين شغل البيت وتتهربين منه والخطاء من اهلك ماعلموك اصول الزواج وحقوق الزوج ومانيب عجز اني اتزوج الثانيه كلن يتمناني ارسلت له عقب هالرساله ماضنيت انك تزين والحمدلله نظافه بيتي وترتيبه كل من دخله يشهدلي فيها واولهم اهلك ارسلت له لو سمحت اب ي اطلب منك طلب ارسل وشو قلت ابي خلاصي منك ارسل الحمدلله انا بصبر ان ماتعدلتي طلقتك يبيني احترمه واطيعه وامشي على كلامه لالي راي ولا كلمه هذا الي فهمته منه بعدين ارسل لي على الفجر ردي معي ابي اتفاهم ارسلت له لوسمحت افصل جوالي ماعد احتاجه طلعت لي رقم ميحتاج حنا انتهينا باي بنام ارسل لي لا احنا مانتهينا الا اذا طلقتك واخذت بنتي من جحيمكم ارسلت له الجحيم والذل والاهانه عندك ارسل لي اكيدبهينك واذلك اذا نرفزتيني واذا عصيتي اوامري وش ترجين مني ادلعك ارسلت له صدق واضح من الي متربي والي فاهم معنى الزواج من يوم اخذتك ماعرفت منك الا الذل والاهانه ومن بكره ارسل لي ابي اكلمك مقدر اقول الي بقلبي بالرسايل ليش انتي معنده ولي الحين يومين مقفله جوالي تعبت منه ومن تصرفاته وانا محتاره عشان بنتي ماابيها تتعقد ولا ابي ارجع له اخاف اضيع عمري مع انسان يذلني ويهيني
وتر ى قصتي منزلتها في اكثر من منتدى لعلي القى حل لها
معليش طولت عليكم ابي افضفض الي في خاطري