تطويل الشعر قصوا شعوركم بعدهاعن الحسد

بسم الله الرحمن الرحيم
كيف الحال
اليوم جايبه خلطه حلوه ومجربه ومضمونه
الفوائد :
تطول الشعر بشكل فضيع وتقلل التساقط بعد
المكونات:
نص بصصله .. حزمة جرجير .. 3 ملاعق قرفه كبيره ومليانه.. نص كوب ماء .
الطريقه :
تحطين كل المكونات بالخلاط .. والماي حق يخلط بس .. الين يصير زي العصير
حطيه ع فورة الراس بس واتركيه مدة ساعتين . ولا تزيدين عليها وبعدين غسلي
شعرك
:::::::::::::::
تجربتي الخاصه انا مع الوصفه وهذا مهم انه الكل يقراه
انا اسوي هالوصفه مرتين بالاسبوع واعرف ناس يسوونها يومياوخلال سنه طول
شعري بشكل مو طبيعي .. لدرجة انه امي قالت لي قصيه عن العين والشعر الصغير
الي كان يطلعلي . طول وايد غير انه يطلعلك شعر جديد يعني بعد فتره يكثف
شعرك بس يبيلك كل فتره تقصيه عشان يكثف بنفس المستوى ما يصير من فوق كثيف
من تحت خفيف تطولين الكثيف كله مره وحده
ثاني شيء لما تحطينه حطيه ع الفروه بس ولما تخلصين امسحي جبينك ورقبتك
بمنديل فيه ماي عشان ما يطلع شعر فيها < لهالدرجه هو يطلع شعر ..
وما يخفى ع احد فوائد الجرجير والبصل للشعر انه يطلع ويطول الشعر
طبعا عشان فيه بصل هو حار ع الراس فاول خمس دقايق واول مره حطيته حسيت
راسي مرره حار وخفت ... فكنت بغسله وما مداني استنيت دقيقتين الا خف
الحراره كثير وراحت ..
ولما تجي تغسلينه لا يجي ع وجهك لانه زي ما قلت بصل حار . وانا بشرتي مره
حساسه فحطيت فاولين شوي لانه اول مره غسلت شعري جا الماي ع وجهي صار به خط
احمر بعدين راح ,, ومنها احط فازلين قبل اغسل لو اي كريم ..
المهم .. شعري كان لكتفي خلال سنه صار لتحت ظهري واقصه
اختي جربت نفس الوصفه وكانت توها صابغه شعرها .. وتوها مخطوبه كانت وشعرها
قصير .. المهم هذا بشوال والحين احنا بشوال الثاني . الصبغه نزلت لاكثر من
نص شعرها . طول كثير ومن كثر ما تقصه باقي شوي من الصبغه
مع العلم انه اختي ما تحب اتحط شيء بشعرها بس غصبناها عليه وبين اثره
فكملت عليه
اهم شيء في هذا انه تكملين
وفيه شيء مهم القرفه نحطها عشان تغطي ريحة البصل مهم انه تستخدمين شامبو
ريحته مره عطره استخدم هيربل الي بالبرتقال لانه ريحته قويه وتغطي البصل
اذا بقى ريحته . .. الجرجير ما تبان ريحته بس البصل اذا كثرتين منه عشان
كذا نص بصله وهذا يسوي كميه تكفيك انتي ومعاك شخصين وممكن اكثر وزي ما قلت ع
الفروه بس
استخدم ماي الورد عشان يعطي ريحة عطره للشعر بعد .. وهاذي الوصفه جربيها
انتي اول مره اذا انتي بنت عادي زاذا كنتي متزوجه استني فتره يكون زوجك مو
موجود فيها . وحطيها عشان تشوفين اثرها وتعرفين تتعاملين وياها صع . واذا
غسلتي شعرك زين زين ما يبين الريحه وما تطلع اصلا .. بس دايم اشع الشخص
يسوي بنفسه اول مره ويتفادى اي خطا يكرره عشان كذا المتزوجات قلت هاشليء
تدرون وش الشيء الحلو .. بنت خالتي . زوجها شباب ولكن عنده صلع .. ومره من
المرات حطته اله ع سبيل تجرب عليه قبل تجربها هي .. تدرون شقالت لي ..؟
قالت لي انه طلع اله شعر صغير وخفيف . صحيح ما غطى الصلع بس طلع له شعر
صغير .. يعني حتى انتو لو ازواجكم بهم صلع خلهم يحطون مو بس انتو تهتمون
بنفسكم وهم ما يهتمن قرعان ههه < ما اتخيل رجال يهتمون بس ما
تدرين سبحان الله
انا هاذي اسويها ايم وللحين مستمره عليها .. وطبعا الكل متفاجيء من شكلي
خلاص سنه وحده خصوصا اني مسافره ادرس بعيد فالكل بسالني شو سويتي وكذا
جربوها وعلى ضمانتي .. اهم شيء تستمري عليها فتره مو تطفشي . ترى الفرق
يبان بسرعه .. بس الي تبي اثر واضح مره مره مره تكمل عليها
جربوها وردولي خبر .. والحلو مكوناتها موجوده باي مكان ما تتطلب زيوت وايد
وكذا غير نه انا جربت خلطات كثيره بعد ما اوقف عنها يتساقط شعري . بس هاذي
لا ما تساقط ولا شيء .. وهي ما تسد المسامات زي الزيوت وكذا .. لانه زي
الماي .. بس ما ينفيا همية الزيوت واستخدامها