الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
15-05-2022 - 12:10 am
اليوم كنت قاعدة مع زوجة أخوية نتكلم في الحركات الرومنسية اللي تسوية الزوجة لزوجها
راحت قالتلي حركة سوتها لزوجها يوم ترقى في الشغل
قالت يوم خبرني زوجي بخبر ترقيته حبيت أسويله مفاجئة ونحتفل بهذي المناسبة المهمة . رحت الصبح وديت عيالي الألعاب وخليت عندهم خدامتهم وكان جنب الألعاب صالون رحت سويت تنظيف بشرة ومساج خفيف واستشورت شعري وانا كنت قصاه قبل قصة حلوة . ويوم قلت لصاحبة الصالون أن عندي مناسبة خاصة أنصحتن أسوي سونا وسويتها. بعدين رحت وخذت العيال ورجعنا البيت.ويوم جا الليل نيمت العيال ورحت طلبت عشى خفيف ومنوع وطلبت عصير فرش وانا متحمسه وايد لردة فعلة وكيف بيتفاجئ طبعا هوه مايدري بشي لأنه كان برا البيت.رحت المجلس وحطيت العشا على الطاولة وغطيته بمفرش دانتيل وحطيت شموع على الطاوله وفي ركن صغير حطيت شمعدان حلو طبعا طفيت النور وطبعا ما نسيت اللبس لبست له قميص نوم أسود وفية حركات ورد جوري أحمر وحطيت مكياج خفيف وشعري مستشور وعطر ...... .
رحت ودقيت على زوجي علشان أعرف وين وص قالي: ألحين قريب من البيت. قالتله تعال من باب المجلس وانا رايحة فوق انام تعبانه علشان ما يشك في شي.
بتقولون وين الي يضحك شوفو
دخل المجلس ما انتبة في البداية اني موجودة بعد ما انتبة قالي وهو مستغرب شو الكهربة طافية مشغله شمع. الصراحة أنصدمت وضحكت في نفسي وقلت :هيه رحت شغلت التلفزيون علشان ينتبة . قال: هذيه الكهربة شغالة انتبه للعشا موجود على الطاولة قال شو هذا قلت: عشا قال : أه شو دراتج أني جوعان!!قعد ياكل أخر شي سألني تعشيتي !!!!!!!!!!! بعدين كلمني عن الشمع ليش تشغلين شمع ما تخافين العيال يحرقون البيت. قلت : مسويتلك جو رومنسي. المهم بعد ما خلص راح شغل التلفزيون تخيلو على شوه حط على قناة الجزيرة ويوم زهق حول على قناة العربية .
المهم اصراحة انقهرت موت وفي نفس الوقت بموت من الضحك على المواقف لا وكل هذا بعد ماعلق على كشختي أو لبسي. بعد ماقعدت شوي وشفته مطنشني رحت لغرفتي فوق الصراحة انفجرت من الضحك على اللي صار لي صدق (شر البلية ما يضحك) وشوي إلا وهو جاي وأخيرا حس على دمه ويقولي شو لبس النوم الحلو.........................رحت انفجرت في وجهه وقلتله : انت دايما تقولي ما تلبسين حقي وما تتعدلين وهذا أنا لبست واحتفلت بمناسبة ترقيتك واسويلك حركات وادلعك وانت ولاداري
سوري على الإطالة المهم حبيباتي وأخواتي العزيزات اللي تمر على الموضوع اريد رايج لو بكلمة رفجة
مع حبي
التعليقات (9)
ههه ههه اقولك شي شكله عارف بس من الصدمهاستحا يقول او انه يتثيقل ويشوف رده فعلها
ههه شاالبرود الي عنده بس عادي دايما كذا الرجال دايما يسون انفسهم ثقال
وحركات بس حنا مراح نتملل راح نستمر ونزيد ونبدع
تحياتي اسيل 26
وحركات بس حنا مراح نتملل راح نستمر ونزيد ونبدع
تحياتي اسيل 26
عادي انا زيك دايم ابي اسوي حراكات رومنسية وهو ماينتبة الين اقلة وصراحة دايم تنتهي بزعل وعلى فكرة مرة صبغة شعري وقصتة ولا انتبة لين قلت له وصار الامر عادي
عادي خلي روحك عاليه ولا تنحرجين مثلك مثايل ...بس انت بعدعليكي لوم
المفروض تلمحين له في التلفون تقولين له محظرتلك مفاجأه ...ويوم جا كان وكلتيه بيدك
وجلستي جنبه عشان يذوب الثلج الي فيه شوي ولا تنسين الضحكه لها دور ...
يعني ضحكي بالمصري ....هيهيهيهي....... أكيد عرفتيها.....
المفروض تلمحين له في التلفون تقولين له محظرتلك مفاجأه ...ويوم جا كان وكلتيه بيدك
وجلستي جنبه عشان يذوب الثلج الي فيه شوي ولا تنسين الضحكه لها دور ...
يعني ضحكي بالمصري ....هيهيهيهي....... أكيد عرفتيها.....
ياأخواتي والله العظي م الرجل الخليجي مايحب هالحركات لو ايش ماسويتي مستحيل يهضمها لأنها في نظره مستورده صحيح الرجال يحب الكلمه الحلوه والغزل بس يكره الحركات اللي يشوفها مكرره كل يوم في القنوات الفضائية الواحده المفروض تكون حلوه وناعمه وعلى طبيعتها وحنونه وبشوشه هذا اللي يسعد الرجال وإذا أصلا يحبها من الصميم حتعجبه بدون هالحركات اللي ماأشوف لها داعي أنا مستحيل أقطع نفسي وأسوي حركات إستعطاف عشان ينتبه لي هو اللي يتودد لي ويطاردني في كل مكان في البيت ويفكر في اللي يسعدني ويضحكني وهذا المفروض على كل الرجال فياليت تركدون شوي ياحبيباتي ترى الرجال يحب المرأه الثقيله والهاديه والغير متهوره في إفشاء مشاعرها مهما تكن له من حب وعشق وشوق .
تر الرجال عموما ما ينتبهون للحركات إلي نفكر ونتعب لها هم يبون شي بارز و واضح مو بالتلميح ،، مره قصيت شعري و و أول ما دخل البيت قلت له سبرايز وآنه آلعب في شعري جافه وقالي وايد حلو سويت هالحركة عشان ينتبه لأني آعرف يمكن ما ينتبه وآزعل...يعني لو سويت هالحركة وكان النور والع وجاف قميص النوم أول وبعدين طفيت النور كان أحسن يالله مرة ثانية عشان تتعلم ههها ا
شي غريب وما عرفته اللي تعرفه تقول→
ضحكتيني بصراحه ههه وعلييه علييج ... يالله انتي كثري من الحركاات علشاان يحس اكثر ههه من جد ضحكتيني