تعالو أقولكم على النصيحه الذهبيه اللي قالتها لي قريبتي قلبت حياتها إلى جنه

1. السلام عليكم ورحمة الله وبركاته


2. أخواتي انا ضيفه جديده في هذا المنتدى الرائع وأتمنى ان تتقبلوني معكم


3. قالت مره قريت مقال للدكتوره ناعمه الهاشمي الله يحفظها تقول فيه :


4. (لاتجعلي زوجك كل حياتك !! بل إجعليه جزء من حياتك )

السلام عليكم ورحمة الله وبركاته

أخواتي انا ضيفه جديده في هذا المنتدى الرائع وأتمنى ان تتقبلوني معكم

وجبت لكم معاي نصيحه من وحده قريبه لي جربت الزواج والعشره وذاقت المر من زوجها وخياناته وقاست معاه كثير مع العلم إنها تموت فيه مهما يسوي فيها وعلى قولتها ماتقدر تستغني عنه وتموت لو يخليها وللأسف كانت مبينه لزوجها هذا الشي وكان زوجها يستغل حبها له ويبهذلها , و كانت أغلب أيامها مره تعبانه وتحت عيونها أسود وكانت نحيفه مره وشاحبه لانها من النوع اللي يشيل هم ويبان على وجها بسرعه وكانت دايم تشتكي لي من زوجها ,,المهم أنا جتني بعثه برى انا وزوجي ورحنا 5 سنين برى ,وانقطعت عن قريبتي هذي ولا عاد وصلتني اخبارها ,ولما رجعنا من برى وقابلتها انصدمت !! تدرون ليش ؟صارت كأنها ورده
والله يابنات إن خدودها زي الورد وشعرها طال وبشرتها بييضت بيضت بيضت والضحكه من هنا لين هنا بعكس لما اشوفها دايم ,كانت شاحبه وعيونها تعبانه وشعرها متقصف وبشرتها باهته !
ولما سألتها كيف زوجك معك ان شاءالله تمام ؟
قالت والله لي 4 سنين وانا مريحه نفسي منه عالآخر ,,!
قلت لها كيف ؟؟؟

قالت مره قريت مقال للدكتوره ناعمه الهاشمي الله يحفظها تقول فيه :

(لاتجعلي زوجك كل حياتك !! بل إجعليه جزء من حياتك )

قالت مشيت على كلامها ,وجعلت ((الله عزو وجل ))هو كل حياتي ,,وزوجي جزء من حياتي ,, يعني ماقصرت مع زوجي عطيته حقوقه الزوجيه واهتميت باولادي ونظافة بيتي فقط اما إني أفتش وراه مثل اول او أغاار عليه وافتعل المشاكل او ادور وراه وأغث نفسي لا ا ,
ولكن جعلت الاساس في حياتي هو رب العالمين كنت كل يوم أستغفر وأصلي الليل وأدعي ربي بما في نفسي ولو شفت شي ضايقني من زوجي ماأبين له مثل اول أبد عشان مايزيد ويستغلني , كنت اسكت وادعي ربي بآخر الليل
والله والله إني صرت أسعد إنسانه بالعالم وزوجي تغير والتزم بصلاته وصار يحترمني ولايتعمد يزعلني مثل أول وصار يستحي مني وصار يركض وراي وكله يبي يراضيني بعكس اول !
والله يابنات إني فرحت لها مره ودعيت لها وقلت لازم أفيدكم وأنقل لكم نصيحتها ,وفعلا يابنات إحنا عندنا مشاكل الدنيا لان إحنا مقصرين مع الله عزوجل ياليت كل وحده منا عندها مشاكل مع زوجها او غيرها تبدأ من ألحين وانا معاكم خلونا نخصص وقت للصلاه وقت للقرآن ونجعل ألسنتنا تلهج بالإستغفار السبب الرئيسي للسعاده .سامحوني على الإطاله ولكم مني أجمل التحايا .