تعالو جيبو الكلكوليتر و احسبو معاي تكلفة شقة صغيرونه تعالو انتظركم اختكم و محتاجة لكم

بل ساعدوني يالله وينكم تعالو قولو لي يالله يا عرايس ياللي بتتزوجون قريب وين شققكم
بنات البحرين
انتظر

والله يا عروس البحرين أنا ما عندي فكرة عن تكلفة البناء وهالسوالف بس أقدر أفيدج بالنسبة للفرش بما أني توني فارشة
غرفة النوم : كلفتني 800 دينار سويتها طبعاً تفصيل في ورشات سوق واقف هي كان سعرها 950 ومعاها كبت أمريكي الي يجي كله مجرات بس احنا استغنينا عن الكبت لن الغلرفة صغيرة وخلينا بداله خزائن الي تجي فوق الكبت وسوى لنا تخفيض لأن من طرف واحد احنا جايين و هذا المحل عنده ديزاينات غير و ب 750 دينار
غرفة الجلوس: و الله في نوعيات واجد وعلى حسب المكان الي بتاخدين منه الطقم بيكون السعر لأن في محلات تزيد السعر بسبب شهرة المحل صديقتي أخذت طقم خمسة أشخاص ب 300 دينار و أنا فصلت في السوق الشعبي ب 185 7 أشخاص و القماش من النوع الممتاز
الستاير: والله للحين بس كنت ناوية بعد أفصل في السوق الشعبي بس أخذت لي شيفون من المعرض قطعتين ب 4 دينار وترى لا تستهينين بالسوق الشعبي عطيهم الديزاين وهم يفصلونه وبسعر مناسب أنا قالوا لي بيفصلون لي ب 37 دينار كامل
المطبخ: لو كنتي بتاخدين من القدس أو الشهاب أو سيدتي طبعاً بيكون أغلى وطبعاً على حسب مساحة المطبخ أنا مطبخي كان كبير شوي فعطوني سعر 650 بس صديقتي مطبخها صغير و سووا لها ب 550 دينار بس أنا فصلت في مكان عادي وطلع علي بدون المغسلة ب 400 دينار
هذا كل الي عندي واذا احتجتي لأي سؤال ثاني أنا حاظرة بس أنصحج بعدم الإسراف لأن هادي شقة ومصيركم بطلعون منها ووفري المصاريف لبيت المستقبل
وأنا في اعتقادي إن لو كان في عندكم مساحة تسوون غرفة ثالثة لأطفال المستقبل أحسن بدل البهدلة

اي و الله يا ريت عندي مساحه حق غرفة بس مافي مثل ما انتي عارفه البيوت ضيجه في البحرين اوكي الاواني الطبخ شريتيهم ؟و في حدود جم اسعارهم؟
الصبغ من اي نوعيه صبغتو ؟ و كم اسعارة و اذا عندج اي معلومات بعد غير قوليلي فيديني باللي عندج من معلومات الله يعافيج

هلا حبيبتي
ما عليه تأخرت في الرد
بصراحة ما عندي فكرة عن أسعار الصبغ لأني لما لنخطبت كانت الشقة نص مفروشة يعني أوردي مصبوغة وفيها موكيت و مكيفات
أما بالنسبة للمواعين فأسعارها عادية بس ما أدري انتي من النوعية الي عادي تاخذ من الأنوار و رامز وهالسوالف ولا لا أنا بالنسبة لي عادي أهم شي الشي عاجبني و أوكي طبعاً أخذت بعض الأشياء مثل الصحون من هالأماكن بس القدور جوني هدية وما عندي فكرة عن أسعارهم و فيه أطقم صحون حلوة في منازل بعشرة دينار
ونصيحة مني لا تكثرين منهم لأن أكثر هدايا الزواج تكون مواعين
و تحياتي

مشكورة و ماقصرتي على الرد و انا عادي اشتري من اي مكان اهم شي عندي انه يكون زين و عاجبني سواء من رامز عاد والله وين وشكرا على النصيحه