تعالو ساعدوني بزوجي والمصايب اللي مسويها

السلام عليكم ورحمة الله وبركاته
شخباركم
بنات ساعدوني انا في هم مايعلمه الا ربي
انا صار لي 3 شهور الحين متزوجة
المهم زوجي واهله سمعتهم مرة حلوة ابوه شيخ و 2 من اخوانه ملتزمين
وقت الملكة كنت اكلمه جوال ونسولف واهو يحكي مرة عن جواله البلاك
وقالي انا ضايفك مع البنات
انا استغربت وش بناته سالته قلت وش بناته سكت شوي وقال خواتي
انا صدقت ومشيت السالفة لاني واثقة منه
جلست فترة وكنت اتراسل انا واخته برسايل sms
سالتها وانا وربي على نيتي عندك بلاك بيري ابي اضيفك
ردت لي بمسج قالت لا انا مااحبه
هنا جمدت ماعرفت وش اسوي باقي على زواجنا اسبوع
سكتت وكتمتها بقلبي
ومشيت السالفة عادي مع اني ماكنت انام من التفكير
تم زواجنا على احسن مايكون والحمد لله
المهم ثاني يوم من الزواج اهو عصب علي على موضوع مرة تافهه كنا طالعين نتمشى
انا بكيت وقلت بس خلاص انت موضوع تافهه زعلت علي فيه وعصبت ولا بعد ثاني يوم زواجنا تونا معاريس
اجل انا وش اقول كذبت علي مو اي كذبه
اهو قال وش كذبت عليك علمته بالموضوع
تخيلو تبسم وتلعثم بالكلام وقلت له رد علي يالله قولي
صار يصرفني ويجيب لي اعذار وقالي اصلا البلاك مليت منه وماابيه وببيعه
انا قلت له شف انا اهلي ربوني احسن تربيه
والحمد لله صدقني مابتشوف شي يوطي راسك بالتراب
اهو تحسف واعتذر
راضاني ومشت السالفة
هالفترة انا فتحت جواله عادي دخلت على الصور حصلت صور كارثة بجواله صور مرة موحلوة
وسكتت ومشيتها قلت يمكن يحذفها ويتوب
اليوم فتحته مرة ثانية وحصلت افلام وراوبط افلام وارقام بنات ......... اكيد فهمتوني
الحين انا موعارفة شسوي مع انه مرة طيب معي ويحبني
بس موعارفة كيف افاتحهه وش اقوله
فكرت امسكه واجلس معه بهدوء وافاتحه بس مرة خايفه ينكر
وماابي اخبر اهلي ابي مشاكل بيتي بيني وبينه
ساعدوني والله موعارفة شسوي والله ماعرفت انام