تعالو شوفو الي اين وصلو بناتنا في قلة

بسم الله الرحمن الرحيم
اليوم خرجت انا وزوجي علشان نمشي اولادنا
لانه من يوم بدا الحج مامشيناهم علشان الحجاج والمرض الله يبعدو عننا وعنكم
قال نوديهم ملاهي يلعبو قمت انا بغبائي قلت له لا خلينا نروح الراشد موول
ماتوقعت انه يكون زحمة لانه العيد الاضحى مو كتير الي يخرجوا فيه
واشوف بنتين اشكالهم استغفر الله
طبعا المسخرة واصلة حدها
العبي ملفتة بالوان وتطريز دهبي والوان فاقعة
البنتين كل مانمشي في وجهنا
لما خرجنا صادفناهم برا
تخيلو ايش بيسسو
وحدة فاكة العباية من فوق عند صدرها وواقفة وقفة مو طبيعية والتانية قاعدة تزبط لها السنتيانة في الشارع
ولما تعدينا انا وزوجي من قدامهم كشفت له عن صدرها ورفعته بيدها
انا مصدومة
زوجي على طول مشي تخيلو الجرأة فين وصلت
ياهو الي ساير من مرض وسيول من البلاوي الي نسويها
حرام الي قاعد يسير بناتنا رخصو نفسهم لدي الدرجة ليش
اشوف كل يوم بناتن في سن 14 و15 العبي مفتوحة والشعر غجري والروج فاقع والمناكير صارخ
والله افتكر على زمننا من 14 نلبس الطرحة ولا شي يبان وبعدين اهالينا يعودونا على الغطوة
سارت سمعتنا في كل مكان سيئة والسبب البنات الي اهاليهم يفلتوهم مع السواق ولا يدروا عنهم
اسفة طولت عليكم بس من حرقة دمي