تعالو شوفو زوجي وش سوا فيني الله لايحطكم بهالموقف

حرم فهد باشا

28-04-2022 - 09:24 am

قبل امس كنا انا واخت زوجي بالسوق ومن العصر وحنا دوجة بهالمحلات
طبعا اخت زوجي اصغر مني بسنه وماتزوجت ...
المهم يوم اذن العشاء وزوجي يدق علي وقالي ترا بجي اخذ1كم
قلت انا : طيب تعال تلقانا بالمكان الفلاني..
ولمن جاء ووقف السياره رحت انا وفتحت الباب اللي قدام ...
الله والمصيبه قدامي..
بنت مع زوجي وراكبه قدام
طارت عيوني وقال زوجي سكري الباب واركبي وراء اقولتس السالفه الحين..
واسكر الباب وانا عيوني طايره موب متحمله الموقع ودي اصرخ
قلبي اشتب نار
ركبت وراء وانا اطالع البنت اللي قدام واطالع زوجي مشخص ومكشخ ...!!
طالعت اخت زوجي
لو هي طايره عيونها من الموقف مثلي...
انجنيت
قلت له
وبقهر .. مين اللي معك؟؟
قال ماعرفتك
هذي ..
زوجتي الثانية
انا: وشو
قلت انت كذاب هذي مين
قال هذي زوجتي الثانيه .. ولي يومين متزوجها ...
وقربت للبنت انتي وراء ماتتكلمين مين انتي..
والبنت واضح انها خايفه ولا نطقت ولا بكلمة...
وهنا قامت حرم فهد باشا بتصرفات غير عقلانيه ومثل المجنونه
قمت ومسكت غطاء البنت وحاولت اشيله منها ولكن زوجي حاول يفكها مني
ملاحظه..
هالشيء كله صار بالسياره والسيارة تمشيء يعني قدام الناس
المهم انا موب متحمله امسك اعصابي
وانهلت عليها ضرب وضرب وضرب
وازعل واقوله
( ودني لبيت اهلي ودني بيت اهلي انا مابيك)
واطلع الجوال بدق وهو يتلخبط ..
قال .. وش قاعده تسوين انتي..
قلت موب شغلك انا كارهتك مابيك خلاص بروح لهلي ودني لأهلي ..(اقولها وانا معصبه بقوة)
زوجي يوم شاف ان الوضع صار كذا...
التفت للحرمه اللي معه وقاله :
عرفيها ع نفسك...
واخيرا نطقت وقالت:
انا فلانة وتضحك
تخيلو
مين طلعت الحرمه؟؟
طلعت الحرمه بنت اخوه
يعني سوا فيني مقلب اكلته اكل
لاكن من صدمتي بالمقلب
رجعت وكملت الضرب ع البنت
ورجعت للبيت وانا ماتكلمت ولا كلمه ...
نزلت من السياره وانا ماسكة يدي من الالم
ضربت البنت ونسيت يدي( لاني زالقه بدرج الحوش الاسبوع الماضي يوم المطر ومتعورة يدي)
وزوجي يحاول يرضيني ...
وكلما قرب مني صرخت بوجهه ...
انا كارهتك عايفتك ابعد عني
وجلست كم ساعة زعلانه واعصابي تعبت وبعدها رضيت
وهذي القصه مختصرتها
حبيت اقولها لكم اغير جو عليكم ومنها عشان تضحكون
وسلامتكم

التعليقات (9)

%بنت بريدة%

28-04-2022 - 12:19 pm

مقلب حلو لكن مروع

حرم فهد باشا

28-04-2022 - 01:20 pm

شوي مروع
والله كلما تذكرت عورني قلبي...
شكرا ع المرور

ام سلطان الحلو

28-04-2022 - 02:21 pm

ههه
حلوه قصتك
قلبلك ابيض ع طول تصدقي
وكمان ع طول تعصبي
من حومة السوق ماالومك
الله يخليلك زوجك

الدرر المكنون

28-04-2022 - 03:22 pm

ههه يا حرام اكيد كان موقف صعب اذا انا واقرا انصدمت معقول وصلت كذا زين ما طار قلبك الله يهديه لعد يسويها هذا مزح ضاروثقيل الله يخليكم لبعض

Ls3at Shaqawah

28-04-2022 - 04:23 pm

الله لايحطني بهالموقف لاني راح اجلس اسبوع زعلانه ومااكلمه

coffee312

28-04-2022 - 05:24 pm

موقف قوي بصراحه < الله يخليه لك

عرووب (حبيبة noz)

28-04-2022 - 06:25 pm

ههه
صباحك سكر ياعسل
ياحياتي اجل زوجك تزوج عليك عاد توك عروس ماتستاهلين << وحده صدقت وتفاعلت
خ
حلو المقلب
من جد انتِ طيوبه لو انا منك لو هي صدق مااصدق صح بتنحرق اعصابي لكن مااصدق
ياحبيلك
يسلموا ع السالفه
ومابي اقول تعيشي وتاكلي غيرها شكلك ع طول تعصبين ههه

تراب القلعة

28-04-2022 - 07:26 pm

يووه موقف صعب صعب
و يرفع الضغط فعلا
.

اسيل26

28-04-2022 - 08:27 pm

يالله جد موقف انا تفاعلت
الله لايجيب هاليوم ويسخره لك ومايركب قدام الا انتي وبس

مملكة ومااسولف كثير ساعدوني الله يوفقكم دنيا واخرة←
هذا ماتستحقه كل أمرأه لا تفشلني ردو بلييز→