تعالو شوفو شصار لي اليوم

السلام عليكم
تحياتي متزوجات وبنات
انا اليوم بناقش معاكم قضية مهمه واهي الاحترام بين الزوجين
وهي عندي اهم من الحب والتلبس والاشياء الاخرى
اليوم صار لي موقف غريب والله العظيم اني ارتعدت منه والحمدلله على النعمه اللي احنا فيها
تصدقون اليوم بالسوق نمشي انا وابونا مر جنبنا رجال يصارخ ويخانق انا كنت معطيته ظهري ما التفت بس قال كلمه هزتني
قال يامرة بتردين ولاطقيتج جدام الناس
الا زوجته معه لا وهي ماسكة ولدها طيب انت ما استحيت من الناس ما خجلت من ولدك تكلم امه بالطريقة هذي جدام الناس
والله كنت بسوي مثل اختي رجائي جنة ربي بس
مسكني زوجي قال هذا اهان نفسه ما اهانها وفعلا يوم فكرت فيها طلع كلامه مضبوط لانه بينت اخلاقه الله يعينها
والحريم بالمجالس النسائية لما تتكلم عن زوجها تقول عنه اقبح الكلمات (يخسي /اتحداه /ياكل....)
والطامه جدام عيالها بغض النظر ان كان الكلام صحيح او لا اي صورة تقدمينها لاولادك عن ابوهم
شلون يحترمونك انتي وهذا اسلوبك واصلا انتي تهينين نفسك مو هو لان الحريم يسمعونك وهو غايب
خواتي هذي مشكلة خطيرة جذي ينتهي شي اسمه احترام من العالم
ويطلع جيل جديد ماصخ خالي من اي قيم ومبادىء
والله يستر من اللي جاي
تحياتي