تعالو شوفو كيف زوجي عاقبني على انجابي للبنات وادعو لي يا اخواتي انا في هم عظيم

السلام عليكم ورحمة الله وبركاته
اخواتي سوف اسرد لكم قصتي واتمنى منكن الدعاء لي انا في امس الحاجه لدعائكم واتمنلى من الله
ان يستجيب لدعائي ودعائكم ويفرج همي وكل وحده مهمومه منكم .
ما ادري من وين ابدا لكن بعطيكم بعض المقدمه عني انا ارمله وام لولدين اثنين ذكور الله يخليهم لي
ترملت وانا صغيره وبعد ما مات زوجي جاني خطاب كثيرين لكن الاغلب غير مناسبين الا واحد منهم اقتنعت
لانه ذو اخلاق عاليه ووظيفه كويسه واعجب اهلي
كان متزوج وعلى خلافات مستمره مع زوجته وكان عنده ولدين بس لان زوجته وقفت عن الانجاب بسبب
عذر صحي وهو تزوج يبي ذريه واصغر عياله عمره 11 سنه صبر على زوجته كثير لكن الله ما اراد المهم
تزوجني انا ...كنت سعيده معاه لدرجه ما تتخيلونها كان انسان حنون وطيب ويحب عيالي وكل عطله
يسفرنا مكان ...وطبعا كان عادل بيني وبين زوجته الاولى ..وهذا اللي حببني فيه واجهت مشاكل كثير من
زوجته الاولى كانت تدق علي وتتلفظ علي بكلام وصخ جدا وكنت اعذرها ولا ارد عليها الا بكلمة جزاكي الله
خير صرت ما ارد على مكالماتها صارت ترسل لي رسايل خبرت زوجي وقال لي انا بقول لها المهم سكتت
الرسايل والمكالماتعرفت انه قال لها . المهم حملت واول ما حللت وعرفت اني حامل فرح زوجي با لخبر
وكان بيطير من الفرحه . بس قال لي با السياره شوفي حطي في بالك ما ابي بنت!!!! انا هنا انهبلت قلت
انت تتكلم من جد وهو بكيفي . وبعدين انا اتوني محلله قبل خمس دقايق هذا بدال ما تقول مبروك؟؟؟
قال انا ما احب البنات والبنات همهم للممات وماوراهم الا النكد والمشاكل كل الكلام هذا وهو ينافخ علي و
بصوت عالي قلت استغفر ربك اخاف يجينا ولد معاق لا تعترض على مشيئة الله الذريه ربي مقدرها من
قبل ننخلق ....بس كل كلامي مافيه فايده معاه ورجعت للبيت وانا ابكي ودموعي على خدي بدال ما افرح
بأول حمل من زوجي الجديد....توجهت الى ربي با الدعاء والاستغفار والصدقه حمدت الله كثير ا على اللي
الله رزقني فيه بأحشائي سواء بنت او ولد وسألت الله كثيرا انه يكون ذكر مو حب في الولد لا والله بس
علشان كلام زوجي خوفني ...كانت اقول له لا تعترض على مشيئة ربك يمكن ربي يبلاك بولد معاق
ساعتها تقول ياليتها بنت بس تكون طبيعيه قال والعياذ با الله ياليته ولد معاق ولا بنت طبيعيه المعاق عندي
ابرك من البنت مليت من الكلام معاه صرت اتركه واسفهه قال لي شوفي اذا رحتي تسوين اشعه لاتخلينهم
يعلمونك وشو اللي في بطنك قلت ليه قال علشان اذا هي بنت ما اجلس مهموم خمس شهور قدام خلي
المصيبه اذا وقعت تجي مره وحده مو من الحين ..
المهم صار عنده سفره وانا با الشهر الرابع ورحت سويت سونار عند مستوصف وكان قلبي بيطلع من صدري
والدتوره تشوف الشاشه ووجهي وجسمي يصب عرق حسبي الله على من كان السبب في كل هذا .
سألتني الدكتوره ايش جنس الاطفال اللي عندك في البيت؟؟قلت اولاد اثنين ...قالت افرحي يا عسل
دي بنوته هتكون اول فرحتك ,,,,,قلت في قلبي اول فرحتي بس راح تكون بداية عذابي من زوجي..قلت
للدكتوره شوفي لي اهم شي انها طبيعيه قالت كل شي تمام الحمد لله ....رجعت للبيت وصليت لربي
وحمدت الله على كل حال مرت شهور حملي وانا من سيء لاسوء نحفت كثير تغيرت كثيربان علي التعب
النفسي والخوف من المجهول كنت حاسه ان شي بيصير ما كنت اشتكل الا لامي ووحده من صديقاتي
ماعندي خوات ولا عندي احد الا ربي...مرت الايام وجت ساعة الولاده تعبت كثير كان زوجي مو عندي كنت
اتلوى من الالم كلمت امي وجت يا حياتي مسرعه وهي اللي خذتني للمستشفى مع السواق. .لاني كنت
اكلم زوجي كان جواله مقفل لانه اذا راح لزوجته الاولى يقفل جواله يخاف اني ادق واضايقها لانه رغم زواجه
لي الا انه يموت فيها ولا يبي يزعلها لما دخلت في التاسع قلت له الله يعافيك انا با التاسع الحين
خلي جوالك مفتوح اخاف يجيني طلق وانا ماعندي احد قال خلاص بخلي جوالي مفتوح بس شكله كان
يسكتني ..المهم امي تدق عليه تبي تخبره بس مافي فايده كان الجوال مقفل تعسرت ولادتي مره
رد علينا الساعه ست المغرب وقال انه بيجي ....ارتفع الضط عندي صار ضغطي 160 والولاده متعسره
طلبو زوجي قالو احتمال عمليه قلت لهم زوجي با الطريق . بس زوجي ما جا الا الساعه عشر وربع
في الليل وانا من الساعه ست مكلمته امي المهم قال ما ولدتي قالت امي لا توها البنت تعبانه مره
وضغطها مرتفع واحتمال عمليه الرحم من الساعه وحده منفتح سته سانتي الا الان ..قال لا ابد ما عليها الا
العافيه قالت له امي مر الله يعافيك عليهم براا يبونك توقع لانهم يمكن يسوون لها عمليه قال طيب طلع من
عندي الساعه عشر ونص علشان التوقيع جت الساعه 11 ما جا دقت عليه امي استبطته رد عليها
قال خلاص يا خاله انا وقعت اذا بيسوون لها عمليه بكيفهم هم ابخص وانا الحين قريب يا خاله للبيت بروح
انام وراي دوام !!!!!؟؟؟؟اذا ولدت كلميني؟؟؟؟؟!!!!!!
امي اندهشت قالت يا قوات قلب الرجال هذا يقدر يستاذن من الدوام وشلون يجيه نوم وانتي كذ ا
كل هذا علشان ما يتأخر عليها ...؟
زادت حالتي سوء قالو لازم عمليه جت اللمرضه قاست ضغطي وراحت تركض تنادي الدكتوره طلع ضغطي 170
جت الدكتوره قالت لي شوفي انتي ولادتك جدا متعسره ولازم عمليه بس المصيبه اننا مانقدر ندخلك غرفة
العمليات لان ضغطك جدا عالي ومثل ما انتي عارفه ان الشي هذا مع البنج يأثر على الدماغ يابتي اتكلي
على الله وساعدي نفسك انك تولدي طبيعي قلت يادكتوره بموت اكثر من 12 ساعه وانا اطلق قالت امرك
الى الله اول ما ينزل الضغط على طول بندخلك غرفة العمليات لكن كذا مستحيل ..كنت ابكي وادعي انا
وامي لحالنا واتذكر عيالي واني بموت واخليهم ويصيرون لا ام ولا اب ..يا الله
جت الساعه خمس الصباح وانا ما ولدت بس كنت احس بأشياء غريبه كنت اسمع اللي حولي وكأني جوا
مسبح الصوت مو واضح وحتى الصوره كنت اشوف الناس وكأن قرص الشمس قدام عيني لدرجة اني ما كنت
اقدر افتح عيوني من قوة الشعاع هذاسمعت الممرضات يصارخون ويتراكضون وامي تصرخ لكني ما اقدر اتكلم
ولا اقدر افتح عيوني عرفت وقتها ان بنتي طلع راسهاكانت الساعه 8 الصباح رفعت اصبعي اتشهد
ولا حسيت عقبها بشي
تدرون ليش ؟؟ظ لاني دخلت في غيبوبه ..والله اني اكتب لكم الحين ودموعي مغرقه وجهي..ولدت بنتي
يوم الاحد ولا شفتها ولا ضميتها ولاسمعت صراخها اول ما طلعت مني .....جا زوجي المصون الساعه تسع
شاف امي تصرخ با الاسياب حسبني مت قال وشفيها وش صار قالت امي زوجتك دخلت في غيبوبه
والله اعلم بتصحى او لا قال وش جابت قالت بنت الله يخلي لها امها دخلوني غرفة العنايه المركزه
مافي احد من عائلتنا او عائلة زوجي ماجا الكل يبي يشوفني انا وبنتي اللي ماحست بأمها والام اللي
ماشافت بنتها اهلي جابو شيخ يقرا علي بس مافي فايده ماصحيت وفي يوم وانا في الغيبوبه حسيت في
جسمي ولع زي النار حسيت بحراراه بكل جسمي بديت افتح عيوني فتحت عيوني شفت مافي احد حولي
جهاز القلب على صدري واصبعي عليه مكبس وخشمي فيه اكسجين استغربت لمست بطني عرفت اني
ولدت بطني صار فاضي ماقدت انزل من السرير لان فيني القصدره وغير كذا الام من الجرح بعد الولاده دخلت
علي ممرضه وانهبلت راحت ركض براا وجو يجي سبع دكاتره ودكتورات اللي يقيس ضغط والل يكشف على
فمي واللي يكشف على عيوني واللي يشوف بطني انا هنا استغربت بدو يسألوني اسئله غريبه ايش اسم
زوجك؟ ايش اسم اولادك؟ كم عمرك؟معهم دفتر فيه صور فاكهه وخضار يسألوني وانا اجاوب ومستغربه
وكلهم يقولون لبعض الحمد لله الحمد لله ..انا هنا استغربت سألتهم وش السالفه قالو انتي كنتي في
غيبوبه لمدة ثلاث ايام انتي ولدتي يوم الاحد واليوم احنا الاربعاء احمدي ربك الله انعم عليك وكتب
لك عمر جديد .ابتسمت لهم فلت من جد تتكلمون يعني انا ما كنت نايمه قالت الدكتوره لا والله ماكنتي
نايمه خوفتينا عليك يا شيخه... قلت طيب وبنتي قالت الحين اجيب لك بنتك بنت زي القمر مشتاقه
تشوف مامتها.قلت في احد سأل عني قالت قولي مين ما سأل عنك الاسياب كل يوم تمتلي وقت الزياره
قلت وامي قالت امك برا قلت ليش ماناديتوها قالت قلنا ماراح نقول لها شي لين نتأكدمنك ان كل شي تمام
ا