تعالو يافراشات هنا نتائج رجيم اللبن والتمر

والله ما هقيتها منكم يا فراشات
44 وحده تدخل الموضوع ولا وحدة ترد عليه
معقوله مافيه ولا وحده جربت هذا الرجيم
صرااحه والله زعلتونى ما توقعت منكم كذا

بصراحة ماجربته ..
لكن .. جربيه شوفي
وإن شاء الله ماتزيدين ..
مرة سمعت انك اذا اكلتي عدد فردي من التمرات ..
تكون السعرات الحرارية اقل من اذا أكلتي عدد زوجي ..
بالتوفيق يا حلوة ,

شكرا لمرورك يا اكادينيا
واسال الله العظيم انه يوفقك دنيا واخره و
انه ينولك اللى في بالك عاجل غير اجل انه على ذلك لقدير
انتظر ردودكم يا حلوات

والله ياقلبي ماجربته
جربي انتي وشوفي
ويارب اللي يبي النحافه ينحف واللي يبي السمنه يسمن
طفشت من السمنه

شكرا لردك ياروبا
واسال الله العظيم رب العرش العظيم انه ينولك اللى ببالك من غير شر عاجل غير اجل انه على ذلك لقدير
عسى ان يوافق هذا الوقت ساعة استجابه
انتظر ردودكم يا حلوات

مع انكم ما عطيتونى وجه ولا رديتو على الا انى بكون احسن منكم وبعطيكم تجربه لى كانت نا جحه
انا جربت رجيم الكربوهيدرات
وصراحه هذا الرجيم اكثر من رائع
كان وزنى تقريبا 79 وسويته ونقصت الى 73 يعنى تقريبا 6 كيلو او كثر بعد خلا ل شهر
وكنت استخدم معه خل التفاح احط ملعقه منه على كاس ماء عادي واشربه اول ما اصحا من النوم << اسم الخل الشهابي
وكنت امشي تقريبا 20 دقيقه 3 مرات بالاسبوع
وزنى طبعا الاسبوعين الاولات ما نقص ولا شي ومجرد ما بديت الاسبوع الثالث لاحظت انى نقصت 3 كيلو
وبعد انتها ء الاسبوع الثالث نقصت 2 كيلو وبعد انتهاء الاسبوع الرابع نقصت يمكن 1.5 او اكثر
وبعد كذا تركت الرجيم وحاولت انى انتبه ما ازيد عشا ن ما ارجع والحمد لله قعدت كذا 6 شهور وانا وزنى ثابت ما تغير
بس مجرد ما بدت العطله بديت احس بالملل وبديت اكثر من الشوكولاته وزدت للاسف 2 كيلو وشكلى بزيد اكثر لو
قعدت على هالحال عشان كذا انا ادور رجيم فيه حلا ما عاد اقدر اتركه واخترت رجيم اللبن والتمر عشان فيه تمر
فاللى جربت هذا الرجيم تقول لى لانى اخاف ازيد عليه بدل ما انقص
وهذي تجربتى قلتها لكم وابغى عاد تجاربكم
انتظر ردودكم يا حلوات عسى الله يحقق لنا مرادنا من غير شر انه على ذلك لقدير

هلا حبيبتي انا جربته ...وياليتني ما جربته
انا كانت وحدة اعرفها جربته ...ونحفت عليه ..قلت خليني اجربه ...كنت ماشيه على ريجيم ونزلت عليه 5 كيلو تقريبا ..وبعد ما جربته الله لا يوريك ..انفتحت نفسي ..( الحلى معروف يخليك تتناولين المزيد ) لا وسرت آكل التمر مع اللبن بين الوجبات اللي هيه ..ترا طعمه رهيب التمر مع اللبن
المهم رجعت اللي نحفتهم + 5 كيلو كمان
التمر مع اللبن طبعا حلو ومفيد بس مو كل واحده يناسبها ..خاصة اللي يبون ينحفون من اعلى الجسم
يعني اكتشفت انه يناسب اللي سمنتهم من تحت وغير كذا اللي عندهم ارادة ...على فكرة ابي دعوة حلوة زي ما دعيتي للي قبلي ههه والله يوفقك

جربته يوم واحد وتعبت مره ماقدرت اكمل
في ريجيم حلو
اللي هو 15 كيلو في 20 يوم
ريجيم عذاري
مع المشي والله باين عليه حلو
وفيه اكل يعني مايتعب كثير الحمدلله << ترا قبلها سويت الريجيم المركب
ماقدرت اكمل اسبوع بس الريجيم روعه وعلى فكره اول اسبوع بس فيه متعب
اما الاسابيع الباقيه فيه ورق عنب وبيتزا وفيه شوكلاته شوفيه انا قالت لي وحده عليه وقالت انه فيه شوكلاته بس ماشفت الريجيم كامل شفت حق اول اسبوع وعلى فكره اذا ماكان تبغين تنقصين الكميه المحدده في الريجيم تاخذين من كل اسبوع 3 ايام حلو
انا بديت فيه من امس في اللي 15 كيلو
دعواتك ربي يثبتني
ويخليني اخلص الاسبوع على خير

شكرا لكم اختى desertflower و درر مكنونه صراحة استفدت من تجاربكم وشكلى ما رح اسويه
واسال الله العظيم رب العرش العظيم انه ينول كل وحده منكم اللى ببالها من غير شر عاجل غير اجل انه على ذلك لقدير
عسى ان يوافق هذا الوقت ساعة استجابه يارب