تعالوا حبيباتي اسمعوا قصتي

السلام عليكم ورحمة الله وبركاته...شحالكم بنات عساكم بخير وسهاله الصراحة قصتي مب غريبة عادية جدا ولله الحمد .عمري 29 سنة وباق شهر وادش الثلاثين ولله الحمد غير متزوجة ولا اعمل دورت على وظيفة من تخرجت من الجامعه بس الله ما كتب.سبحان الله كل ما اقدم شي يستوي ،مره المدير مسافر ومره المدير مريض وغيرها من الاسباب بس شو اسوي دووم احمد الله على كل النعم ،احب ادش هالمنتدى واشوف مشاكل غيري ومن شاف مصايب غيره هانت عليه مصيبته فما اقول غير الله يفرج من هو مهموم او به ضايقه اللهم امين .وانا الحين يالسه في البيت احاول اقضي وقتي مع اهلي وازور اقاربي واسافر احيانا اتم فتره طويله خارج البلاد حتى اخواتي يقولون اني اشرد من مشاكلي المضحك المبكي انه اخواني واخواتي اللي اصغر عني متزوجين وعندهم يهال بس انا ما اتحسس ابدا من هالموضوع ابدا لانه الله الرازق حتى اختي اخر العنقود الحين بدو يخطبونها بس رفضت لانها تدرس الله يوفقها.احب اطبخ واحب تنظيف البيت وايد بالرغم من الخدامات تقضية وقت والاهتمام بعيال اخواني حتى مسميني ناني.واذا حد مرض وتنوم بالمستشفى اكون المرافق الرسمي ههه.واكثر شي احبه قراءة القصص الخياليةمن المنتديات بهالطريقة اقضي وقتي.ما بقولكم انه احيانا تييني ضيقه لانه الوقت يمر وعمري بعد يمر وانا ما سويت شي فالله المستعان.اهم شي يا حبيباتي لاتكدرون خاطركم واحمدو الله على كل حال طالعن حواليكن وشفن النعم اللي الله انعمهاعلينا فبالحمد تدوم النعم.صحيح نسيت اقولكم اني مصابه بعين وحسد واخر شي اكتشف انه فيني سحر مبطون"بالبطن" ادعولي الله يخليكم انه الله يشافيني منه انا محتايه للدعاء