تعالوا شوفوا تطورات موضوع مشكلة اختي

مرحبا فراشات
اشلونكم
قبل كم يوم نزلت موضوع عن مشكله كنت ابي حل لمشكلة اختي مع زوجها والاخوات ماقصروا
انا معرف انزل الرابط بس راح اقولكم المشكله باختصار
قبل مااتكلم بالموضوع حبيت انصح كل بنت ماتزوجت انها ماتستعجل الزواج صدقوني كل تأخيره فيها خيره وماتدرين يمكن تتزوجين وماترتاحين وراح تعرفون معنى كلامي الحين
مشكلة اختي انها لسه متزوجه لها اسبوعين وزوجها من بعد الزواج متغير عليها يعني شخص ثاني غير الشخص الي بأيام الملكة وغير كذا مادخل عليها
ومو مهتم فيها وهو مطلق وعنده ولد حتى احنا شكينا انو تزوج اختي بس عشان يغيض زوجته الاولى ويرجعها وهي تقول هذا مو شهر عسل الا شهر بصل لانه بارد معي ومحسسني اني اخته مو زوجته!!!
احنا انتظرنا على امل ان الموضوع يتصلح بس للاسف شوفوا ايش صار
قبل يومين زوج اختي جابها للبيت عندنا وقالها انا بتأخر لاني معزوم المهم جا الليل وتأخر كثير وتتصل عليه اختي ومايرد بعدها اتصل هو وقال انا بسافر ضروري هي انجنت قالت الحين بتسافر قال ايه
وكلم امي وقالت خلاص تروح وترجع بالسلامه وقالها انا بجي بكره
جا اليوم الي بعده وانتظرته اختي وماجا بعدها ارسل رساله قال انا اجلت جيتي لبكره
اختي ضاق صدرها مره قلتلها خلاص اكيد فيه شي ضروري عنده وبكره بيجي
المهم جا اليوم الي بعده وكلم ابوي وقاله انا وبنتك مااتفقنا
وفيه امور كثيره مااتفقنا عليها!!!
يعني اشلوون اسبوعين تحكم فيها علي زوجتك مع العلم ان اختي تقول يوم وصلني كان يسولف معاي عادي يعني ماصارت اي مشكله بيني وبينه!!!
وايام الملكه كان يجي ويجلس معاها وشايفها ومبسوط كثير
ليش الحين قرر انه يطلقها
مع العلم اختي مو ناقصها شي جميله جدا ومؤدبه ومرحه ودمها خفيف وست بيت
مااقول كذا عشانها اختي والله الكل يقول هالكلام
وربي حرام عليه تكسر الخاطر وطول اليوم تبكي واحنا اكتئبنا وتنكدنا وتقول انا ماسويت له اي شي وماقصرت معاه بشي تصوروا لسه عروس حتى النقش الي بيديها ماراح !!!
المفروض الحين تكون عايشه احلى ايام عمرها بس ايش نقول حسبي الله ونعم الوكيل
وابوي بعد الله يخليه ماقصر حجز احلى قصر وكان الزواج ولا احلى منه كله عشان تنبسط وترتاح
بس شوفوا ايش سوى الحقير الله لايسامحه
قلبي متقطع عليها ماابي اشوفها اذا شفتها ابكي من القهر عليها
صارت مثل الورده الذبلانه
المهم رحنا البيت نبي ناخذ اغراضها وشفناه بس مااقدرت اسكت سبيته وشتمته ودعيت عليه
وهو ساكت ولا كلمه والي قاهرني اكثر انو ملتحي ويدعي الدين
انا عرفت وتأكدت اننا من الغلط نحكم على شخص من شكله
بحياتي ماشفت انسان منافق ومرائي وموسوس مثله
حسبي الله عليه الي جرح اختي وهي بعز فرحتها
والله ينكد عليه مثل مانكد عليها وعلينا
انا قلت مالي بعد الله غير خواتي لاننا طبعا مستحيل نقول لاحد من قرايبنا شي الحين
تكفوون ادعولها ان الله يفرج همها وهمنا ويعوضها خير
وان الله ياخذ حقها وحقنا امين يارب
واسفه اذا طولت عليكم