تعالوا شوفوا حكايتي مع الاستغفار

راح ادخل في الموضوع على طول قبل سنه جتني اضافة على الايميل ومن هبالتي قمت قبلت الايميل طلع صاحب الايميل ولد قلت مين انت ومن وين لك ايميلي وكيف عرفته قال جتني رساله على البريد بهذالبريد قلت والله مارسلت انا كيف حرسل وانا اول مره اشوف هالايميل يوم بعد يوم كان يرسل رسائل على البريد في البدايه رسائل من هالرسائل اللي تعرفوها واحيان كان يكتب كيفك واش اخبارك ويكتب رقمه تحت الرساله كنت انا ارد على الرساله واطنش الرقم ولا كاني شايفه شئ المهم شويه شويه تطورت العلاقه>> صحيح ان الشيطان يجري بمجرى الدم وبداية الميل خطوه ظلينا نتكلم مع بعض فقط بالايميل>> يعني محادثة وبعد مرور شهر تقريبا او شهرنص ومن كثر ماكنت اكلمه طبعا دون علم اهلي مايدرون كان من كلامه يبين انه انسان متدين جدا ولما يجي وقت الصلاة كان يغلق ويروح يصلي ويسالني هاه صليتي والا لسه ورسائله اغلبها دينيه وثقت فيه انا وكان يقولي انا احبك ومن وهالكلام وبعد مرور ايام قالي شو اسمه ابوكي ومن فين انتي قمت انا رفضت ارد عليه وظل شهر وهو يزن علي يبغى اسم ابوي مادري كيف قلت له والله مادريت بنفسي الا وقد قلت له طلع يعرف ابوي وربي انصدمت
وانصعقت قام اعطاني كل التفاصيل انتو بيتكم كذا وكذا علمني وين بيتنا ويعرف اصحاب ابوي وذكر لي اسمائهم وفعلا مثل ماحكى ..... ابوي انسان ملتزم سمعته عند الناس مرره زينه بدأت انا احس بصراع في نفسي عشت ايام الله لايعيشها احد عشت في كوابيس كنت اقوم نص الليل ماقدر ابكي حاسسه بهم في صدري لايعلم فيه الا الله وكاني كنت نائمه وقمت من غفوتي انا كيف سويت كذا لا معقوله ماغلطت هالغطله وانا في سن
المراهقه اغلطها الان وانا قد تعديت العشرين ابوي مارباني كذا بدات في صراعات مع نفسي وكنت استغفركثير وادعي الله ليل نهار يارب فرج همي انا في ضيقة مايعلم فيها الا انت ساعدني يارب كنت اتذكر اذا ابوي عرف انا وين اخفي وجهي وين احطه من ابوي شلون حواجهه راح ينصدم ماراح يصدق حيقول انا ربيتك كذا لا >>وابوي يابنات مشدد شويه ونخاف منه موت انا واخواني واخواتي اخواني كبار اكبر مني ويخافوا منه>> كيف انا المهم قمت قلت له انا ماحكلمك خلاص
العلاقه اللي بيناا راح تنتهي قال لا اا ماقدر و قلت لا خلاص انا غلطت غلطه وصحيت من غلطتي .. ومثل ماقلت لكم كنت استغفر وانا قاعده استغفر وانا انظف البيت استغفر وانا في المطبخ استغفر اقوم الليل اصلي ركعتين وادعي يارب فرج همي ببداية قراري اني اتركه بدأت من عند المحاداثات >>محاداثات ماعاد صار في شئ اسمه محاداثات فرد هو يرسل على البريد كنت اقتح رسائل الايميل الشيطان مايخلي حد بحاله بس كنت مارد عليه وبعدها حاولت امنع نفسي مافتح حتى
الرسائل ويمكن قعدت 4 ايام مافتح بس برضوا كنت حاسسه اني شايله هم كبير (وكنت احاول اقنع نفسي اني غلطت وانا بشر عشان اخفف من همي) ابغى احكي لحد ماني قادره ابد كيف احكي وشو اقول > كنت احس اذا حكيت لاحد من اهلي بيروح الهم ...... وسبحان الله يابنات كيف الله فرجها واحد من اخواني الكبار وهو اقرب واحد لي من اخواني حتى اخواتي ماهم كذا قريبين مني مثله كنت افكر احكي له ماقدرت ابدا احاول احكي له وماني قادره خائفه >>>>>>>>>>>>>>>>>>>>>>> والفرج كان من هنا يوم جاء اخوي هذا وقعد على نفس الكمبيوتر اللي انا كنت اقعد عليه رغم انه يابنات والله مايقعد عليه ابد عنده لاب توب ومايحتاجه >> هو تخصصه هندسة حاسبوب ويشتغل مبرمج وهذيك اليوم راح قعد عليه مادري وش يسوي حتى انا استغربت نحنا هذيك اليوم خرجنا انا وماما وخواتي رجعنا اليل رجعت وهو شكله مو طبيعي واش فيه ياربي رحت اساله اش فيك مارد علي وبعد ماصريت عليه قالي انتي مسويه شئ قلت كيف يعني قال اسالي نفسك اول قلبي بدأ يدق حسيت انه عرف الموضوع من كلامه قلت امانه تقولي وش فيك قالي انا اليوم قعدت على الكمبيوتر المكتبي وكنت اسوي بعض الاشياء عليه وفجأه ايميلك ظهر قدامي هو وكلمة السر فتحته وشفت كل شئ > انا هنا تجمدت خلاص انعجمت ماعرفت اتكلم وهو بدأ بالتهزيء وانا اسمع بس>> انتي تسسوي كذا صدمتينا لو يعرف ابوي اش حيسوي فيكي انتي ماتعرفي ابوي ولا تعرفي سمعته عند الناس بهذليناا الشاب يعرف ابوي وكان يصررخ كيف تقولي اسمك واسمك عائلتك لحد غريب وانا ارتجف ........
انا انفجرت ذيك الساعه وبكيت البكاء اللي ماقدرت ابكيه طول الايام اللي فاتت وقلت له والله انا غلطت وعرفت
غلطتي من قبل ماتعرف ومستحيل عاد اسوي كذا مرة ثانيه قعد يمكن 5 ايام مايكلمني .. والحمد لله بعدها تعدلت الامورو صار للموضوع هذا سنه والحمد لله من هذيك اليوم و انا مرتاحه راح الهم مني واخوي رد مثل اول وان شاء الله ماغلط زي كذا ابد """"""""""""""""""""" على فكره ماكلمته صوت ابدا ولا مره ولا رسلت صور اللي غلطت فيه اني علمته اسم ابوي والعلاقه كلها على بعضها 3 شهور,
...................................
واخوي ساتر علي ماقال لحد > الله يخليه لي يارب بس مادري احيانا يجيني وسواس اقول في نفسسي هل ممكن ان هذا الشاب يفضحني عند ابوي ولا يقول
لحد من اصحابه واصحابه يكلموا زوجاتهم ويعملوا امي """ لما اتذكر اخااف
هل تتوقعوا يابنات ممكن انه يتكلم ويفضحني؟ .............