تعالوا شوفوا ذكرى زواجي العاشر قولوا ماشاء الله

السلام عليكم ورحمة الله وبركاته
صلوا على النبي وأذكروا الله
وقولوا ماشاء الله الله يحرسنا ويحفظنا من كل عين
نبدا
كان يوم الاربعاء حجز زوجي الفندق في جده أسمه الازهر
اول شيء احكيلكم عن الفندق اكله لذيذ جدا مطل على بحيرة
سكنا في الدور السابع
فيه في سطح الفندق مطعم قمة الرومانسية هذي الصورة في الصباح وفي الليل أضأته موف إبداع
فيه مسبح
وجلسات في الحديقة
زوجي بلغ الفندق عن المناسبة فجهزوا لنا باقة ورد وسلة فواكهة وكيكة
يوم الاربعاء اتجهزت جبت كوافيرة للبيت من طرف الاخت جوهرة الغد الله يجزاها كل خير وكان شغلها حلو
الحمد لله
طبعا زوجي مايعرف رحت لبيت سلفتي واتجهزت هناك ماشافني غير في الفندق
طبعا انا كنت منسقة مع اختي انها تروح الفندق وتجزي لي فستان الفرح والغرفه بالكامل
بس صارت لها ظروف وما قدرت تروح المهم اخذت انا الفستان وأول ما وصلت الفندق
على طول دخلت الحمام ولبست فستان الفرح طبعا اتورطت مين يقفلي السحاب
المهم قفلت الي اقدر عليه والباقي بعد ماخرجت هو قفله لي وكانت مفاجأة بالنسبة له
فرح بيها كثير وأنبسط للآخر وقال لي بالفعل كانك عروسة مو ناقصك شيء
أتصورنا وقطعنا الكيك
ولبسني الخاتم وأنا لبسته ساعه كأننا بالفعل في فرح
وأتعشينا وكان العشاء لذيذ مره
وأهداني عطر بس نسيت ماصورته في نفس الوقت صورته بعد ما وصلت البيت
وأنا أهديته كمان صندوق وفيه شوكلاته جالكسي وتويكس وسنكرز عجبه مره فكرة الصندوق طريقة
جديدة وغير مكلفة لإني دائما أهديه هدايا فخمة المرة هذي حبيت اهديه شيء غريب
المهم اليوم الثاني في الصباح دخل زوجي الحمام وانا جهزت الورد على السرير
معاها شهادة أفضل زوج في العالم يستاهلها والله
هذي الشهادة الي حاب يشوف الي بداخلها على هذا الرابط

• jpg

ونزلنا فطرنا في الفندق ثم أخذنا جولة سريعة على بيوت جده القديمة
ورجعنا الفندق وبعدين انا كنت مجهزة عرض بوربوينت رائع أخذت فكرته من المنتدى
وأضفت عليه عبارات حلوة وحطيت معاه أنشودة عيدك مبارك حبيبي رائعة اسمعوها
http://up2.m5zn.com/download-2009-3-9-06-jaa36m58q.mp3
وكتبت عن أجمل ذكرياتنا في 10 سنين
وكانت بالفعل أفضل وأحلى هدية قدمتها له طبعا هو قال كذا
بعدين جاء وقت الغداء ونزلنا اتغدينا
وبعدين رجعنا ريحنا شوية لإنه صاحين من بدري
صحينا على أذان المغرب دخل زوجي الحمام وأستغليت وجوده في الحمام
عملت له مفاجأة ثانية
أتجن عليها قالي الظاهر راح أدخل كل ساعة الحمام
بعدين طلعنا فوق سطح الفندق الي فيه المطعم إضأته رومانسية جدا
شربنا شاي وأخذنا نسولف عن أيام حياتنا
خرجنا بعد صلاة العشاء لمهرجان في جده كان المهرجان حلو
في صباح اليوم الثالث وطبعا كالعادة وزوجي في الحمام جهزت الطالولة هذي فقط
بس بصراحة أنبسطنا جدا ووعدني ان شاء الله أنها تتكرر
وغادرنا الفندق في تمام الساعة الخامسة مساء ونحن نودع أجمل وأحلى ذكريات التي لن أنساها أبدا