تعالوا يابنات نتعاون ونجمع ارقام الكوافيرات الي يلطعون البيوت في الخبر الدمام الاحساء

بسم الله الرحمن الرحيم
مرحبا بنات كيفكم ؟
في اوقات كثيره نحتاج نروح المشاغل تشقير حف جسم بودي كير منيكير استشوار مكياج............ الخ ونموت وما نلاقي من يعطينا وجه عشان يودينا للمشاغل
فا أنا فكرت وقلت اكتب موضوع لفراشات الشرقيه ونتعاون كلنا فيه اي وحده تعرف كوافيره مضمونه وكويسه وشغلها حلو واسعارها بعد احلى يا ليت تسدح لنا الرقم الله لا يهينها
وبكذا نرتاح من المشاوير وعوار الراس ويبي لك تزنين وتحنين سنه على الاخ في الله الي بياخذك هالمشغل وروحتك بوقت معين وطلعتك من هالمشغل ما تحددها الكوافيره هو الي يحددها
ويلا فراشات خلونا نشوف تفاعل ونستفيد من اكبر عدد لارقام الكوافيرات او الحنايات بعد في بنات يبون حنايات
وياليت كل وحده بتكتب رقم وحده مجربتها تكتب لنا ملخص التجربه مع هالكوافيره واسعارها ومواعيدها مظبوطه ولالا تتقبل النقد لو سوت لك شي ما اعجبك او سوت الي في بالها مع انك فهمتيها او انها تفهمها على الطاير وتسوي لك الي في بالك
اختكم دنيا الوله
الي تقرى الموضوع وما عندها مشاركه ترفع الموضوع لو بابتسامه ولا ذكر ولا عليكم امر