تعالوو يابنات واعطوني افكاركم الحلوه

هلا حبيبتي يسعدني اكون اول من رد عليك
بالنسبه للمكياج عندك الستاندات الزجاجيه اللي يجي منها احجام كبير ومتوسط وكبير
خذي اكبر شي
تجي فيها مكان للارواج والمناكير والمحددات وادراج صغيره بصراحه روعه وعمليه ومنظرها حلو تلاقينها عند محلات التجميل الكبيره او المحلات اللي تبيع التحف والخردوات زي يابلاش وغيره كثير
سعرها مايتعدى تسعين ريال
ممكن تحطين فيها الاشياء اللي تستخدمينها بكثرة يوميا يعني
والباقي بعلب تجيك جاهزة زانتي اضيفي عليها لمساتك والخاسكيه مليانه منها ورخيصه جدا
والعطور والكريمات كل مجموعه خليها بسله خاصه ولاتكثري عفش عالتسريحه عشان يسهل عليك ترتيبها بس حطي طقم واحد مع الاستاند اللي قلت عليه مع بعض التحف والشمعدانات ولاتنسي المفرش عالتسريحه
والباقي رتبيه بالادراج الاستشوار وكل لوازم الشعر خليها بدرج
الاحزمه حطيها بعلبه ورتبيها بطريقه دائريه اجمل واسهل
والبكلات والشباصات ممكن تاخذي ايشارب وتشبكي فيه الشباصات اسهلك عند الاستعمال
اوحطيها كلها بسله حلوه ومنسقتها بطريقتك
والكسسوارات فيه بالسوق شنط خاصه روعه خذي وحده للذهب والثانيه للاكسسوارات تجي فيها مكان للخواتم والحلق والسلاسل والساعات واذا تحبي تخلي كل طقم بعلبه براحتك
انا كنت اخلي كل لون مع بعض اسهل بالاختيار تعرفين حوستنا عند الخروج الله يعين بس ههه
والداخليه انا حطيتها بسلات لها غطاء مشبك فيها اذا تحبي كل الكلوتات تخليها بسله والسنتيانات بسله او كل طقم مع قميص النوم تبعه وتعلقينهم مع بعض اسهللك
ام وش كمان
الجزم الله يكرمك اخذت دولاب ورصيتهم فيه اريح واسهل
بس حبيبتي هذا اللي عندي واذا تذكرت شي بارجع اكتبه لك
الله يوفقكم ويسعدكم وييسر امركم ويسخر لكم ويجمعكم على خير
تقبلوا مروري

وعليكم السلام
لاتكتري الاشياء على التسريحة ممكن تحطي علب تجي جاهزة فيها فراغات للمكياج أو شنط صغيرة
للاشياء اللي دايما تستخدميها زي الارواج والجلوس والماسكرا
وبقية الاشياء ياتحطيها في الادراج او ممكن تشتري لها علب باحجام مختلفة وترصيها جنب التسريحة او في اي فراغ حلو في الغرفة
والملابس الداخلية فيه زي الدولاب بس ادراج يجي مع غرف النوم او ممكن تفصليه ادراجه صغيرة وممكن تحطي فيها الملابس الداخلية والقمصان القصيرة
أما العطور والكريمات فالافضل لو تنحط في مكان بعيد عن النور سلة صغيرة بس عميقة فيها كريم وعطر للاستخدام اليومي والباقي في الادراج أفضل
الاكسسوارات والدهب ممكن تحطيهم في علبة كبيرة أو تقسميهم على علب صغار " السلاسل لوحدها - الخواتم لوحده - الاطقم في علبها الاصلية وزي كده
وممكن تلاقي هادي الاشياء في يابلاش - سلة الهدايا - هوم بلازا - ومحلا الخردوات اللي يكون مكتوب عليه من ريالين اللين 200 والبلد
وبالتوفيق

انا مو من جده حبيبتي ان شاء الله بنات جده مايقصرون

شمعه نهاريه
يامرحبا لك وانا اسعد بمرورك الحلو
ماشالله افكارك مره حلوه
جد استفدت منك كثير
آآمين ع الدعوه الحلوه
يعطيك الف عافيه
ربي يوفقك وييسر لك كل آآمورك يارب
دمتي..

المكاويه السمرا
يامرحبا بأهل مكه
تسلمين ياحياتي عالصورر برضوو اعطتني افكار
ربي يوفقك وييسر لك كل آآمورك ياقادر ياكريم
دمتي ..

هلا حبيبتي تقدري تاخذي هالعلب من لايف ستايل وسيتي ماكس عندهم حركتتات حلوه وكيوت
وشوفي محلات الهدايا والكسسوارات راح تلاقي كذا اشياء والله يوفقك.............

top elegance
تسلمي ياقلبي ع المرور
ربي يسعدك

داوني
مشكوره ياقلبي
آآمين ومن قال بعد

فيه في سيتي بلازا
طقم متكامل من العلب وأشكال وألوان ومطرزة وفيها أماكن للمكياج وللفرش حقت الشعر
وعلب صغيرة وكبيرة وكل شي نفسك فيه
وممكن تاخذي كريستالات
زي الصحون أو العلب دائرة أو مربعة وتحطي الاشياء
بحيث تكون باينة
موفقه
دعواتك لي