تعالي قولي خايفه من ايش بعد زواجك خلونا نفضفض

السلام عليكم ورحمة الله ..
كيفكم ياعراييس وكييف الاجواء المعراسيه
ادري ان اللي زواجها قررب جالها مغص
واللي لساته بعيد مستانسه
انا قبل سويت موضوع عن الشيي اللي محمسك لزواجك شي حلوو ..
اما اللحين لا
نبي نقوول الشي اللي مخووفك لو يصيير بعد زواجك
ويالييت لو نلاقي حلول من المتزوجات او اللي عندهم حل يرشدونا
انا خايفه من مزااجي مره دائما معكر والله يابنات تنسد نفسي عن كل شي حتى ملابسي اللي على جسمي شوي واقطعها
لاحد تقول عاادي وهذا شي يصير احيانا لالا
انا بجد حتى امي شايله همي لاني بالشهر يوم تشوفوني رايقه
تقول خايفه علي ان الرجال يقول مزوجيني وحده........
شوفو اللحين الجامعه بادين من اسبووعين وللان ماداومت لان مزاجي اقشر
لاكن تعالو شووفوا لما اروق ياحلاووه تقولون هذي مو انا ابدا
بس اللي قاهرني انه يوم بالشهر اهدا واروق واحس بسعاده بقلبي
يعني معضم وقتي (مهمومه-معصبه-متنرفزه-وبراسي افكارر جننتني)
جلست مره وتخيلت اني متزوجه ونفسيتي كذا والله فضيحه
الرجال يبي وحده فايقه رايقه هاديه بشوشه مبحبحه
مب انا مالت علي
حتى اخواتي وزوجات اخواني يقولن يازينك وانتي رايقه بس ليه بالسنه حسنه؟
اللي مخليني كذا حالتي براسي افكار عيت تطلع منه تسبب لي ضيقه وهم ..ادعولي أملك يمكن زوجي يغير نفسيتي
خصوصا انه ماشالله تبارك الله مايعرف يعصب ويحب الرواق ومبتسم بشكل داايم <<عكسي
مير الله لايبلانا احنا الملكه عندنا قبل الزواج بشوي
لازم اتغير قبل الزواج ..,
معليش طولت افضفض.. وانتوو اش خايفين منه ... ؟
الله يبعد عنكم اللي يخوفكم ..
مخرج<
امي اللحين تواسيني تقول البنت اللي مثلي مزاجها يتغير أزين بعد الزواج ..