تعالي وقولي ايش اللي يضايقك في صوالين التجميل

السلام عليكم ورحمة الله وبركاته
موضوعي يمكن مو جديد لكن حابه اننا نناقش عيوب صوالين التجميل عندنا علشان نستفيد وكمان كل من تملك صالون تجميل تستفيد>>>>لاتحسبوني املك صالون تجميل بس ضغطي مرفوع
اقولكم على شغله كبدايه انا اروح لصالون التجميل واطلب اللي ابه سواء في الشعر او المكياج
نبدا في المكياج.......... ليش المكياج غا ايه في الثقل؟؟؟؟؟؟؟
ليه احس ان بشرتي اختفت ؟؟؟؟؟؟؟؟؟؟؟؟؟؟؟؟؟؟؟؟
المشكله اني اطلب مكياج ناعم وتكون معي صوره لها المكياج واختار الالوان بنفسي لكن لما تنتهي من مكياجي الاقي كلمة نعومه شرق والمكياج غرب ليه؟؟؟؟
ياناس مانشوف المكياج اللبناني الناعم اللي ع الفننان والعارضات اللبنانيات والغربيات لا تطالعو في الخليجي
اللي رسمة العين بالآي لينر والظل اللي ساحب برى هذا المفروض يكون مكياج تنكري مش مكياج ناعم وهادي مااحس فيه بالذنب على بشرتي............
طيب عندي سوال.........
ليه الكونسيلر الثقيل واشدد على الثقيل اللي بيتفرد على كامل الوجه ؟؟؟؟؟؟
حتى الظل اللي بتختاريه لونه يختلف مع هالكونسيلر.........
ليه مايكون قبل الاساس كريم مرطب (طبعا هذا انتي الزبونه تلتزمي فيه انا اشيله في شنطتي)
بعدين البيس.......بعدين جل الوجه بلمعه راقيه تناسب المكياج سواء مشمشي او وردي او طبيعي؟؟؟
بعدين الاساس وطبعا يكون ماركه معروفه حتى لو كان غالي المفروض الاساس في الصالون يكون منوع ويناسب جميع انواع البشره من الصبايا لسن الاربيعين ومافوق طبعا كل عمر وله احتياجاته ومايناسبه من المكياج
لكن الوضع عندنا غير بتلاقي الاساس في الصوالين من النوع الرخيص وحتى لمن تشوفيه بعلبته الكبيره القزاز تحسي القصد منه التوفير وليس الجوده ........وصناعته صيني ومن الجمله وكمان يستخدم لجميع الاعمار؟؟؟؟؟؟؟؟؟؟؟؟
تعبت يله كل وحده تكتب رايها ومعاناتها وحتى اذا اختلفت معي في وجهة النظر عادي احنا هنا نبغى نناقش الموضوع .............واتمنى ما احد يزعل مني خصوصا صحبات الصوالين