تعاملت مع الاخت الفجر البعيد وهذه النتيجة لبنات المنتدى

بسم الله الرحمن الرحيم
اولا لازم تعرفون قصتي
قبل مده سمعت عن فرد يغنيك عن السشوار كان اعلان في الوسيله رحت للمشغل وعملت خصله اختبار وعجبني جدا فعملتو لكل شعري وكان بمبلغ كبير دفعته من مكافأة الجامعة
لكن ارتحت كثير جدا من السشوار وبعد ماطلعت الجذور رجعت للمحل وعملته وكان مبلغ كبير برضه وصراحه وقفت بعد المرة التانيه بسبب الميزانيه
المهم انخبطت وملكت وقبل زواجي باسبوع اتصلت على المحل الو كيف حالكم ابغى اعمل الفرد
حياكي الله تعالى نشوف شعرك رحت للمحل مبسوطه حاتطلع لي طلعه في الزواج
طلبوا مني 2100 حتى الميه مارضوا يخصموها وانا زبونتهم المهم بعد مابدأوا وحطوا الفرد في شعري وقالوا استني مدري كم دقيقه وراحوا طبعا انا طفشانه جلست اقلب في العلبه واقرا فيها وكاانت الصدمه
تاريخ الفرد منتهى له كم يوم اعتقد 6 او اكثر
طبعا انا ثرت اش اسوي حاصلع كلمتها قالت ( قل لن يصيبنا إلا ماكتب الله لنا ) وبعد مده رجعت تاني تقولى اصلا احنا نشتري بكميات تجاريه ونعبي في العلب القديمه و
المهم الحمد لله ماصلعت لكن الفرد مااعطى تأثير قوي يعني مره مالو داعي لازم سشوار علاطول حاولت اخذ فلوسي اويعيدولي الفرد قالوا اقل شيء تدفعي 1500
تخيلوا يمكن يحسبوني جالسه على بنك طبعا تخاصمت معاهم وقلت لهم اخذها منكم يوم الدين حتى اخواتي كانوا يبغوا يعملوه قلت لهم ماينفع
جلست ادور عن الفرد وطبعا ماكنت اعرف اسمه لانهم مخترعين له اسم عشان لااحد يدور عنو
رحت لخالد الطبي ولقيت عندهم فرد حلو لكن مااعرف هو ولا لا
وبعد مده قرأت موضوع الاخت الفجر البعيد
http://alfrasha.maktoob.com/alfrasha11/thread1414803/
وكنت نازله لجده ازور اهلي ومريت عليها والله اخلاق وبنت ناس ورتني الفرد وعملتلي اختبار ومنجد خرجت من عندها مبسوطه وبكم ب500 ريال بس ومع الشامبو والبلسم زياده 100
طبعا انا عملتو الخميس اللى فات وماحبيت اكتب الموضوع الا لمن اغسلو واشوف النتيجه وهل هو مثل الفرد اللى كنت اعملو ولا لا
طبعا لازم 3 ايام بعد الفرد بدون غسيل ولا بكلات بس مفرود وبعد ثالث يوم غسلته واو الحمد لله
الله يسعدك ياام محمد ويوفقك وين مارحتي