تعانين من الفوضى في دولابكالحل عندي تفضلي

شخباركم يابنات .. اليوم جبت لكم موضوع حلو لترتيب اغراضكم الخاصة وبأقل سعر ، ومايكلف شي ، ومايتعب بشيء ، ويفتح النفس وكشخة ومااحد عنده مثلك .. ينفع تعمليه لنفسك ، او لبنوتتك الصغيرة ، او ابنك الآموور ، وراح تدعي لي ..
اولا..
الادوات المستخدمة /
كرتون شاي فارغ
كرتون بسكويت فارغ
علبة بلاستيكية
علبة برنجلز الصغيرة
علبة كاسترد
علبة شماغ
جلاد سادة لزق + جلاد مخطط لزق.
وهذي صورة الادوات الي استخدمتها ، لكن علبة البرنجلز وكرتون الشاي ماصورتهم لاني غلفتهم قبل ماابدأ أصور..
ثانيا..
الطريقة :
واضحة ومايبي لها شي...
غلفت جميع العلب المذكورة بالجلاد السادة وزينتها بإطار من الجلاد من النوع الثاني.
ملاحظة : قبل مااجلدهم بالجلادة ، غلفتهم بورق تصوير ابيض ، عشان ماتبان الكتابة الي
على العلب..
وهذي صورة جماعية للعلب بعد ماغلفتها ، وقبل ماارتب فيها الاغراض
الحين نجي للترتيب ..
استخدمت العلبة البلاستيكية / لتوك وربطات الشعر ....واستخدمت علبة البرنجلز الصغيرة / لفرش الشعر النحيفة.....واستخدمت علبة الكاسترد / لفرش الشعر الكبيرة
واستخدمت كرتون البسكويت / للقباضات (عضاضات)(الكليبسات) للشعر الكبيرة
واستخدمت علبة الشماغ / لأطقم الاكسسورات بنفس العلبة
واستخدمت كرتون الشاي / كان عندي طقم شنط صغيرة ، لونها وردي ، حطيت في كل
شنطة حاجات خاصة للشعر ، شنطة حطيت فيها القباضات والكليبسات الصغيرة للشعر ،
والشنطة الثانية حطيت فيها رولات حقت الشعر ، والشنطة الثالثة اكسسورات شعر ..وعلبة
رابعة لونها وردية حطيت فيها مساكات الشعر ، وبعد كان عندي علبة شفافة حلوة استغليتها
لمكواة الشعر والفير ، وجمعت كل الشنط الصغيرة الوردية + العلبة الشفافة في كرتون الشاي.
هذا قبل مااحطهم بالكرتون
وهنا شكلهم وهم داخل الكرتون
وهذي صورة جماعية لشكل العلب بعد مارتبت فيهم الاغراض..
واخيرا.. هذا شكلهم وهم مرتبين بالدولاب..
انتهى،،
ها شرآيكم ؟؟!
واتمنى الموضوع يعجبكم ، وانتظر ارائكم ..والردود الحلوة ،،و الي تستفيد من موضوعي لاتنساني من الدعاء
منقول للسفاده فارجو الدعاء لصحبه الفكره ولي