تعبت أبي أحول عام أنا على الصامت تكقون مساعدة

الله يساعدك
انا زيك صامتة بس مع اهلي لكن مع خطيبي مااسكت خ
الله يسهل امورك يارب
ماحبيت اطلع بدون رد

يسلموا ياقلبي على الرد
بس أنا لي سنة ونص متزوجة حتى يوم كنت مملكة للاسف صامت

سبحان الله والحمد لله ولا إله إلا الله والله أكبر

انا مثلك لكن لا تركزي على انك ساكتة وياربي وش اقول ياربي وش اسولف
شوفي ليه انتي عالصامت معه وش السبب
انا كان سببي اني ما احس سواليفي تناسب زوجي بما انه رجل
خلي الامر على طبيعته اقولك كيف
مثلا جلستو مع بعض
ها وش سويت في العمل ويبدا يسولف عن عن العمل وتفاعلي معه
كيف العمل معاك
تكلمي مثلا قولي والله اليوم تعبت في شغل البيت او اليوم حسيت بنشاط واشتغلت وسويت
والا اليوم طبخت وانا رايقه كيف الاكل عجبك
ومن هنا يبدا النقاش والحوار والسوالف
اليوم كلمت امي قالتلي كذا وكذا
عاادي جداً تكلمي معه بكل راحة
لو شغلتو التلفزيون شفتو مسلسل او فليم تفاعلي مع الاحداث قولي يالله مرره يحزن او مره يجنن البيت او اي شي يعجبك في المسلسل علقي عليه
بيدا هو يطرح رايه ومن هنا يبدا الكلام
بدون ماتحسي
او كنتو تشوفو برنامج قولي كلام خطير شرايك بالله
وكذا صدقيني انا اعاني مثلك كرهت السفر والقعدة معه لاني طول الوقت افكر كيف اسولف معه
مع اني مع اهلي صديقاتي ما اسكت واسولف
صرت ما اركز على ان صمتي مشكلة بل عكس عادي
وابد اعلق تعليقات بسيطة زي مثلا اشترى عصير واحنا في السفر اقوله يالله يبرد عالقلب يقول ايه والله من جد
اقوله الجو حلو يبدا يناقشني سمعت اغنية اعلق اقلب
اتذكر موقف محزن مضحك اقوله ويبدا هو يسولف ويذكر مواقفه واسمعه واعلق عليه ما اسكت لاني لو سكت بس اسمعه بيطفش لكن يوم اعلق معه حبه حبه ينبسط يحس اني معه واشاركه
بس كوني صادقة معه في كلامك وتعليقاتك يعني لاتالفين والا تكذبين خذي الامر بباسطة واريحية
شوفي جرايد قولي قريت اليوم الخبر الفلاني
قولي تصدق سمعت معلومة عن كذا وكذا
صديقني الا ومايبدا يتفاعل معاك
هو امر بسيط لا تعطيه اكبر من حجمه وراح تتعدلي وتصيرين يقولك اسكتي عورتي راسي

يسلمو ياقلبي على الكلام الحلو بصراحة ريحتيني
أشكرك من أعماق قلبي ياذوق

لا اله الا الله

حركات اسم ع مسمى

اسمعي كلامها ركزي في عقلك و احداثك البسيطة و رغباتك القلبية
هدفك من السوالف فضفضت خاطر

//
شوفي يالغاليه
انتي قلتي
تعبت ودي أحول عام بس ماقدرت
ليش ياعمري وش يمنعك ماعندك لسان وش ناقصك عشان تصيرين ع الصامت
اذا ماشجعتي نفسك من الداخل وقلتي لازم اتغير مليت من هالحل ماراح احد يغيرك
انتي علاج نفسك وتعرفين مشكلتك
وحلها بيدك
حنا ماراح نسولف ع زوجك انتي الي بتسولفين عليه
لاتستصعبين شي كل شي يسهل بس هونيها اعرف زوجات مايسولفون وكانو يعانون
بس ماشالله تشجعو وصارو ثرثرات
مافيه شي يدوم ع حاله
انتي الي معطيه نفسك هالاحساس
ولو فعلا ودك تغيرين
كان تغيرتي من زمان
وانتي لك فتره وهذا حالك
تاكدي اذا انتي مو معجبك وضعك فزوجك مثلك اكيد مو عاجبه
الرجال يدور ع الراحه والسوالف والمزح
حطي مكانك مكان زوجك
لو زوجك ع الصامت وش بيكون موقفك منه اكيد بتتضايقين
ابيك ياعمري تشجعين نفسك الى متى هذا حالك
لك فتره وانتي ماتغيرتي
اذا ماغيرتي انتي بنفسك الناس ماراح تغيرك
روحي وسولفي ع زوجك
وش تنتظرين السوالف ماتجيك لازم تبحثين عنه
اتصلي ع اهلك واهله واخذي اخبارهم وعلمي زوجك قولي اتصلت ع امي وقالت كذا
اتصلت ع فلانه وقالت كذا
اسئليه عن يومه عن شغله
وش شفتي بالنت وش شفتي بالتلفزيون
وش سويتي اليوم
تكلمي عن مواقفك اسئليه عن مواقفه
نكتي عليه وامزحي
اقري عليه نكت ومواقف ضحكه
اذا انك تعبتي وتبين تحولين من الصامت الى عام وش تنتظرين ماخليتي شي لك فتره ع الصامت واستفدتي غير الملل والتعب
خليك قويه امام نفسك
وتغيري
والله يوفقك