تعبت جدا بنات رجيتكم تواسوني ولو بكلمه بموت والله

السلام عليكم ورحمة الله وبركاته
بعد ماشفت مشاكل المتزوجات في هذا القسم ماترددت لحظه واحده اني اكتب لكم مشكلتي
عسى الله اني اجد الحل عندكم و تساعدوني وتريحوني لاني بحد تعبت ومو قادرة استحمل اكثر من كذا
حبيباتي
لكل انسان له طاقه معينه من الصبر
لو تجاوزت عن حدها اكيد بينفجر وانا بالظبط كذا بنفجر والله
بقولكم سالفتي و بختصرها لكم عشان لا تملون
بس اترجاكم اترجاكم تكملون موضوعي للاخير وتنصحوني وتقولولي هل انا سويت غلط او صح
انا متزوجه من سنه ونص تقريبا ومتفاهمه مع زوجي بكل شيء تقريبا الحمد لله
وعندي ولد ربي يخليه ويحفظه من كل شر عمره 6 شهور
طبعا في بداية زواجنا او قبل الزواج اتعرضت من اهله لمشاكل اعتبرناها انا والاهل عاديه جدا وتحصل كثير بس انا قلبي كان حاسس انه امه واخته بسوون لي مشاكل بعدين
وامي ظلت تنصحني انه ام زوجي زي امي و لازم اعاملها بالحسنى حتى لو كانت هيا الغلطانه
وربي الشاهد على كلامي انا ماكذب عليكم واقولكم هالكلام لانها امي بس عشان تعرفون موقف امي ايش كان من البدايه
المهم تزوجنا وصارت مشاكل قال وقيل يعني كلام نسوان
واخر شي زوجي قالي خلي امك وامي لا يكلمون بعض اريح لنا نبي نعيش مرتاحين وبدون مشاكل
مع العلم والله العظيم انه اهي الغلطانه واهي الي تبدى الاول ومع ذلك قولتله اوكي وكلمت امي وامي وامه ليهم سنه ونص تقريبا مايكلمو بعض
و فعلا بالفترة الي فاتت كلها ارتحنا الحمد لله من المشاكل
للمعلوميه انا في ديرة واهلي في ديرة
واهله بعد في مدينة بعيده مرة 4 ساعات عن مدينتنا
بس تخكم امه الله يهداها ريموت كونترول تحكم عن بعد في حياتي
المهم انا قويت علاقتي مع اهله امه واخته بالاخص
وصارو يجوني
و امه تجيبلي اشياء وايد للبيت ومرة كنت فرحانه
بس احس كل ماتجيبلي شي تذلني ولا عمرها قالتلي كلمه حلوة و لا عمرها ضمتني لصدرها او تكلمت معاي
بس اقول معلش امكن هذا طبعا
المهم انا سلفتي مايحبوها ومقطوعه علاقتهم فيها تزوجت بعدي ب3 شهور هما تعرفو عليها بعرسي عشان كان صديقتي
المهم للحين اوكي بتقولون وين المشكله
المشكله انه اخته دايم تسمعني كلام يجرحني و تحكي عن اهلي بالسء بحجة المزح وانا عارفه انه من قلبها
والمشكله قدام امها وهيا ولا مرة تادبها
واخته الله يهداها عدها حركات مب حلوة عيب اقولها
بس انا بستر عليها وانصحها كل مرة ومابغيت اقول حق زوجي عشان الفاضيح
المهم كل هذا وانا ساكته
اخر شي الصدمه الكبرى اسمع انه مسوين امي على علاقة بشخص
و اشياء وايد
انا عن كل شي اسكت بس عالشرف لا
اتصل فيهم ثاني يوم
قولتلهم ليش قايلين كذا
المشكله انهم مانكرو
امها تقولي انتي ليش مكبرة الموضوع كلمة صغيرة طلعت من بنتي من غير قصد
بنات يحكون على شرف امي وتقولي بدون شرف مين يرضا هالكلام بالله عليكم
رحت اتصلت بزوجي اقوله انه امك واختك هيك هملو
هو عصب وقالي انا بروح حق احتي اعطيها كفين يادبوها
المهم اتقفنا انه يوديني لعند امي المسكينه الي ماتدري عن شي وانا ماقولت لها باي شي عشان لا تكبر المشكله
وعلى فكرة امي عايشه مع اخوي واختي وابوي مسافر عشان الظروف
وخالي الي هو اخوها يصير جيرانهم
وهما من اول ماتزوجنا ماخلو امي لحالها كل يوم يتكلمو على عرضها عشان زوجها مو معاها
حسبي الله عليهم
المهم
هما عندهم بيت ثاني قريب على بيت اهلي كانو جايين فيه بالصدفه
وهو راح وانا غلطتي اني خليته يروح بروحه
تخيلو بنات رد واخته جايه تسوق بسيارتنا
يقولي شوفي هاي اختي الي تخكي عن شرف امج وش جايتلج هدايا واشياء تافهه
قولتله الحين انت مو مصدق
يقولي انتي كذابه وقدامها
وهيا نكرت
واقسمتله على انها قالت هالشي
و كان اول يوم رمضان وامي عازمته وماتدري بشي
وهو دفني وقالي انتي واحده كذابه وبتسوين مشاكل
انا يوم رديت البيت قولت لامي ماني رادة
وحكيت لامي بكل السالفه ونصحتني وقالتلي استهذذي بالله وردي بيت زوجم
وهو ثاني يوم بعد مابات عندهم وعبوله دماغه جه ياخذني عالبيت
وانا صايمه
وانا زي ماقلالتي امي انسي الموضوع ولا تتكلمي عنه
وفعلا انا سكتت ولا حكيت شي وطول الطريق وانا ساكته
لما ردينا البيت اهو الي فتح معي الموضوع
قالي ليش تكذبين
قولتله اني مو كذابه واقسمتله عالقران انه اخته وامه بروحهم اعترفو بهالشي
وانا عالاقل اصلي واصوم واحفظ القران
اخته لا تصلي ولا تصوم
بامكانها تحلف و هو كذب
المهم ظل يقولي اشياء على اساس اني مسويتها وكلام سامعه من امه واخته
قوتله اجل اذا كذا انا راح اقولك على عمايل اختك
و حكيتله كل شي امكن انا ندمانه اني حكيت بس والله عشان ادافع عن حقي
اتصل بامه و قالها انه زوجتي حكتلي كل شي عن بنتك
وطبعا كاي ام فضلت تدافع عن بنتها
و ثاني يوم الكارثه الكبرى الي للحين ماقدر انساها
اتصل فيني زوجي يقولي انه امي بتتصل فيج الحين
وانتي لا تردين عليها نهائي بس ابيج تسجلي المكالمه و اسمعيها بس
المهم اتصلت فعلا
و الكلام الي قالته لي والله ثم والله انه فظيع واناملي ماتقدر تطبعه
عديم الحيا و عمري ماسمعته حتى من الصياع الي بالشوارع
امكن تقولون ببالغ
لا والله وربي شاهد علي حتى اني سجلت مكالمتها
كلام وطعن بالعرض
على امي المسكينه الي اصلا ماتدري وش كانت توصيني فيها حسبي الله عليها
وعلى انا واختي
كلام وايد والله انه يسم البدن
بعد ماسكرت فضلت ابكي وابكي واتصلت على زوجي وصار يهاوشني يقولي مو قلتلكلا تسمعيها
وبعد مارد البيت صالحني وقالي هيا خصبت وكان لازم تعمل هيك
قولتله لا مش لهلدرجه اوكي تدافع عن بنتها بس وش علاقة شرف امي مادري ليش ماخذه هالموقف
و هيا يعلم الله انها ماعلمت اولادها السته ولا بنتها عالصوم والصلاة
والله يابنات انا الي علمت زوجي عالصوم الحمد لله رب العالمين
وكانت من رمضان الفات تتصل فيني تقولي ماتخافين ربج
ليش تصوميه سيبي الرجال يشتغل
وهيا محجبه امكن تستغربون من موقفها
وعلى فكرة كل فلوسها هيا بالحرام عشان عندهم مطعم يبيعون فيه خمر ولحم خنزير هما عايشين بالمانيا
بس زوجي الحمد لله
شغال بشركه و فلوسه بالحلال ولا عمره اشتغل معاهم
عنده بذرة ايمان شوي
الحمد لله رب العالمين
هذا كله واهي الي تتكلم عننا
المهم زوجي اتصل وقالها سكري الموضوع ولا عاد تتصلي بزوجتي
بس انه زوجي واقف معاهم مادري مو مصدقني و قالي انه على اساس سلفتي مدخله في راسي كلام عنهم وهيا ويشهد الله مالها اي دخل
وهو زوجي يحبني ومدللني و مايرفضلي طلب
انا مابغى اخليه يبتعد عن اهله ولا اني احرم حفيدهم عشان هاي صلة رحم
مع انه قسم بالله عمرها لا شالت تلفون وتسال عن حفيدها
الاسبوع الي فات طهرته ولا سالت وقالت كيفه ولا شي
واحس انه ماعدها عواطف بالمرة
مع ذلك انا للحين اقول لزوجي هاي امك
غصبا عنك انك تستحملها وتحب راسها
بس انا لا
انسىواخر شي يقولي اعتذري
الحين بنات من شو اعتذر
اعتذر عشان هانتني وطعنت بعرض امي؟
قولولي هل انا تصرفت صح ولا غلط
امكن اني فتنت على اخته كانت غلطه بس والله من القهر الي فيني والكبت خلاص حسيت اني انفجرت ماعدت استحمل اجل من ياخذلي حقي
والساكت عن الحق شيطان اخرس
المهم انا قولتله تبي تروح اجي معاك بس اجلس عند اخوك ومرته
و لا اني اوصل بيتهم قالي خلاص زي ماتبغي
بس انا خايفه انه يجبرنيوياخذني لها
بنات والله من الكلام القذر الي سمعته منها
ماقدر اشوف بوجهها ولا اني اشتم ريحتها
بكرها بكرها حسبي الله عليها
بنات اليوم اتصل يها وقعدو يسولفو
وانا تاركه الموضوع ليا 4 ايام وهيا الي تفتحه وتساله عني ولسه تقول كلام وسخ
طيب زوجي ليش مايدافع عني
مو ليا حق عنده
ليش يقولي احبج ووقت امه تتكلم يسكت
معقوله هيا لها تاثير كذا
بس الظلم هذا مايصير يسكت عنه
مو معقوله يسكت لما يسمع انه شرف مرته وامها ينطعن قدامه وهو ساكت ولا يقول شي
والله مادري وش اسوي
بنات انا قررت اني لو فتح معي هالموضوع وقال اعتذرني او سمعني كلمه جارحه بطلب الطلاق
وعلى فكرة هو عملها مرة لما كان عصبي وقالي روحي عند امك
بس انا رحت حضنته و اترجيته عشان احبه
ملعون ابو الحب
مادري اتصرفت صح ولالا
والله احس انه كرامتي وكرامة اهلي صارت بالحظيظ
لا وهذا كله يقولي ماتقولين حق اهلك من الي صار اي شي اهم شي خالك
اجل مين بياخذلي حقي بتتكلم عن اعراضنا
احس انه لو سكتت الحين بعدين بتتهاون اكثر
مادري اسكت ولالا
عشان مهددني بالطلاق هو لو تكلمت بيطلقني
بس انا خلاص قررت هالشي
وطز في كل شي
زطز في الحب
ارشدوني بنات
فانا في حيرة مايعلم فيها غير رب العالمين
واسفه عالاطاله والله اعرف اني طولتها شوي بس والله لجات لكم بعد الله لاني ماعندي حدا اشكيله
وترا الي قولته مب كل شي
لسه كثير