هل هذه أعراض الخيانة لو اني غيورة وشكاكة شرايكم

1. كيفكم فراشات؟ اني ما عندي احد اشكي ليكم همي غيركم


2. اني بديت اشك في زوجي شرايكم

السلام عليكم

كيفكم فراشات؟ اني ما عندي احد اشكي ليكم همي غيركم

اني بديت اشك في زوجي شرايكم

الموقف الاول قال لي بسافر يوم واحد ويا صديقه الى الكويت اوكي وما اعترضت ولما راح اتصلت له الا رنة موبايله دولية ولما سألته قال لي الرنة محلية لان خدمة تلفوني شبابية حتى اتصلت للشركة وتاكد قالوا لي اللي يطلع من البحرين لازم تكون رنته دولية وبدا الشيطان يلعب في راسي حسيت انه مو مسافر يكذب علي .
الموقف الثاني غاب عني خمس ايام وقالي محبوس لان كان متهاوش ويا شرطي المرور وقفوه وطرش لي مسج قاال لي انه طرشي بس مسج لي لان ما يصير اتصل مشان ما يشوفني الشرطي وفي محبوس في منطقة معينة اني قمت اتصلت لخوي وقلت له يروح ويتاكد انه موجود هناك او لا ولما صارحته قالي انا في منطقة ثانية ما حبيت اقولش مشان ما تجيبني وبدا الشيطان يلعب براسي وحسيت انه يكذب علي .
الموقف الثالث اني تجي الايام لما يخلص الشغل ما يرجع البيت مباشرة اتصله وما يرد الا المغرب او لليل ولما اسئله يقول لي نايم في بيت صديقي وتوني قاعد من النوم حتى صوته يبين انه توه قاعد من النومة بس ما ارحت انه انه في بيت صديقة وبدا الشيطان يلعب براسي وحسيت يكذب علي .
ايام كثيرة يسهر بره واحيانا ما يرجع ينام ويبدا الشيطان يلعب براسي واقعد اصيح .
ولما اواجه كله ينكر ويكذبني مادري حاسه في شي ولا شرايكم شنو تنصحوني الله يخليكم ردوا علي احس حياتي كل هم وصياح وكله قاعدة بروحه ادعولي لي الله يهديه ويشيفه ويرزقني بالذرية الصالحة
تحياتي