تعبت من اخواتي والله تعبت

السلام عليكم ورحمة الله وركاته
كيف الحال ان شاء الله مبسوطين يارب يسعد كل وحده مع زوجها ياارب
بقولكم قصتي تعبت والله من اخواتي كل اجازه على هذا الموال
كل اجازه يتركون ازواجهم ويجون بيت اختي على العلم ان كلنا ساكنين بحاره وحده
هما 3 اخوات وحده كل مشاكلها بسبب انو تنام فبيت اختي الكبيره وزوجها يقولها اسهري الين تشبعين بس ارجعي نامي عندي والحمد الله صارت تجي تسهر وتروح بيتها
والثاني لها 6 سنوات متزوجه ولا حملت نقولها استقري مع زوجك ليش اهله مزوجينه عشان انتي بجهه وهوه بجهه
والثالثه الصغيره حالتها حاله زوجها من النوع يحب الحريم وكم مره كشفته ولاتابت الحين لها اسبوعين فبيت اختي ولا راحت عنده ولايوم انا انقهر عليهم اقول حرام عليكم كل وحده فيكم زوجها اطيب من الثاني حتى والله مايرضون عليهم ولايقصرون بشي وانا والله احب جمعتهم بس مو لذي الدرجه
وكل يوم اتناقش مهاهم اقلهم ترا احنا مالنا عزوه بعد ربي مدام ازواجكم طيبين صونوهم لاتخلونهم يروحون للحرام
انا احزن عليهم بس مستغربه ليش وضعهم كذا وكمان حزنانه على امي الي تجي تشوف وضعهم كذا تنقهر واذا قالت لهم شي يزعلون منها ويقولون امي ماتبغانا
انا مقهوره منهم لاهين بالدنيا ومانفسي اتكلم بس انقهر
واقول بكرا اذا ربي كتبلي نصيب واتزوجت ان شاء الله باذن الله احاول قد ماقدر استقر مع انهم عقدوني والله
ومره شكرا مرره شكرا للي بتقرا موضوعي وترد عليه
ربي يسعدكم يابنات ويوفقكم ويستر عليكم دنيا وآخره ويسخرلكم بقلوب ازواجكم ويهدي اخواتي يارب