كارهه البيت اللي ساكنه فيه

1. وطبعا وحدة عندها 5 عيال والثانيه ماشالله 8 من بنات واولاد

بسم الله الرحمن الرحيم
اول شي انا متزوجه ولله الحمد من 10 سنوات وقبل 5 سنوات بالضبط كنت ساكنه بشقه للايجار صح انها مو واسعه ولا جديدة بس كنت مرتاحه فيها
وبعد خمس سنوات من زواجي ابو زوجي تعب وماله احد غير زوجي هو عنده ابن ثاني وهو الكبير على فكرة بس اللهم لا شماته يمشي ورا رضى زوجته ولا همه احد حتى خواته طردهم من بيته
المهم مو هذا موضوعنا الموضوع اني صرت ساكنه في وسط العيله وصارت الجمعات اسبوعيا عندي وكان الزوار يجون يشوفون ابو زوجي المريض وقعدت في معاناة لمدة سنتين تقريبا الين توفى ابوه الله يرحمه ويغفر له
بس مات وخلى المسؤليه علي وعلى زوجي مع ان زوجي اخر العنقود بس شايل مشاكل العايله كللها وصار عنده الضغط وصارت اخلاقه شينه ومايتحمل مني ولا كلمه
تخيلو العيله تتكون من 7 بنات 5 منهم شقيقاته وولدين بس زوجي واخوه الكبير المصون اللي قاطع العيله كللها بمشاكلها
صار زوجي ابوهم مشاكل ازواج خواته لا وازواج بنات خواته كمان
والله انا عارفه بتحسبوني ابالغ لكن هذا هو اللي صاير ولا جيت فتحت فمي بس بمشكله بيني بينه وللا مشكله في البيت يعصب ويتنرفز ويقول انتي ماتحسين باللي انا فيه جايه تكملين علي
سبحان الله ماكاني اللا غريبه ياربي طيب وين اروح عند مين اشتكي
انا ساكنه في البيت لحالي بس جمعاتهم عندي والمناسبات الكبيرة عندي والاعياد ورمضان والعزايم عندي
وله اختين برا الرياض طبعا لما يجون الرياض يقعدون شهر عندي اوا كثر كمان في الاجازات

وطبعا وحدة عندها 5 عيال والثانيه ماشالله 8 من بنات واولاد

وياليتهم لما يتجمعون يساعدون بالقهوة وكل وحدة تجيب صينيه معاها لا يدخلون البيت ويدينهم فاضيه ووراهم بزارينهم بالعكس وهم طالعين يطلعون من عندي ويدينهم مليانه
اللي قاهرني اني انا توني صغيرة عندي بنتين بس والحين حاامل وتعبانه مع الحملوهم كل وحدة عندها بنت متزوجه وللا مخطوبه يعني كبر امي ولا يعترفون باهل ازواجهم ومايشوفونهم اللا في الاعياد والمناسبات الكبيرة طيب ليش انا ملزومه فيهم
وزوجي المصيبه انه مو متعاون معايه ابدا تخيلو اني جالسه الحين من دون شغالهوانا في الشهر السابع واحس انه صاير معقد من كلام خواته على اخوهم الكبير وانه يسمع كلام زوجته وانه طردهم وانه مو سائل فيهم عاد هنا زوجي يبغى يثبتلهم العكس انه رجال وانه مايسمع كلام يابدا وانه اهم شي رضاهم هم وبس وجاي رمضان وبعد رمضان العيد وفي العيد بتجي اخته اللي ام 8 عيال وبتجي بنتها المتزوجه بعد بتجلس مع امها يعني بيصيرون 9 عيال مو 8
والله اني ابغى ابكي واحس انهم بيعجزوني وبيجيبولي الامراض خلاص ماني طايقه اجلس في ذا البيت ابغى اروح اسكن بالايجار ولا العذاب اللي انا فيه عاد اول متحمله جمعاتهم عشان شوفة ابوهم بس الحين ابوهم توفى ليش يتجمعون عندي ليش مانتجمع عند اخته الكبيرة اللي صارت جدة من زمان ليش عندي كللهم
هذا كلله عشان زوجي جابني على وجهي للبيت هذا وانا كنت حامل في بنتي الصغيرة وكنت بس ابكي لان عارفه انه هذا اللي بيصير لي يعني معاناتي احس انها ماراح تنتهي لين مااموت
ياناس اعطوني حل ايش اسوي كيف اتصرف والله العظيم تعبانه وماني طايقه عمري مع الحمل ويالله فيني اخدم زوجي وبناته ومافيني استقبل احد ثاني واضيف وافرش سفر والله مافيني
دللوني ايش العمل