تعرفوآ آحد آرتفعت نسبته بآلترم آلثآني آدخلوآ وآرفعوآ معنويآتي آلله يسعدكم

بنوتآت آللي مآعندهآ رد ترفعه ولو بدعوه ..
آلله يفرجهآ عليكم ..

لآ تتحطمي بالعكس خللي دآ الشي دآفع لكي ..
شدي حيلك في دآ الترم وفي القدرآت والتحصيلي وتقدري ترفعيهآآ ان شآآآء الله .. بس اتوكلي على الله ..
انا اعرف وحدة كانت نسبتها في التمآآنين الترم التآني سآآرت 96
ولآتنسي الاستغفآآر والدعآآء
بالتوفيق يآآرب

السلام عليكم ورحمة الله
حاسه فيك وربي لاني انا اصلا تعبانه مثلك انا بثاني ونسبتي 87.83 اول مرره اجيب كذا
انا كتبت موضوع هنا عشان اعيد ثاني ثانوي ولا اكمل؟ اوكي
انا ثاني وانتي ثالث نسبتك صح نازله مره شوفي يقولون القدرات والتحصيلي مهم اوكي لازم تشديين حيلك فيهم
بس انتي بتفكرين بكل اختبار بتختبرينه انك جايبه نسبه كذا لو نقصتي ماراح تزيد نسبتك وماني عارف ايش
انا اشوف من وجهة نظري انك تعيدين ثالث ثانوي لانك ثالث حبيبتي كلها 4 شهور واهم شيئ راحتك النفسيه صحيح القدرات والتحصيلي مهم بس اهم شيئ تتخرجين من الثانوي وانتي راضيه عن نفسك وتقولين انا حققت انجاز فهمتي علي
لو تعيدين وتكملين بمدرسه اهليه افضل عشان نفسيتك ويتساعدون معاك ثاني حاجه الوقت الي بتجلسين فيه بالبيت عشان لو طلعتي وكملتي بعدين هو انك تستغلينه بكتب القدرات والتحصيلي تشترينهم من النت وتجلسين لمدة اربعه شهور تتدربين عليهم وتاخذين دورة انجليزي وتلهين نفسك او تذاكرين الماده الي اخفقتي فيها وتريحين نفسك بداية السنه روحي وشدي حيلك وابدي حياة جديده ماعليك في الي يقولك صديقاتك بيخلونك مافي صداقه هلايام ومحد ينفع احد يارحماك فكري بمصلحتك وش بتسوين لو عندك صديقات طيب كان صديقاتك ارفعوا نسبتك الحين ولا غيروا شيئ الا تضيع وقت وربي هذا الكلام توني اعرفه انتي بتشوفينهم بالقمه وانتي لسه لا ياقلبي فكري بعقلانيه وش هي الحياة لازم صديقاتي وياي مصيرنا الفراق حطيها بمخك وفكري وانتي استخيري وشوفي الانسب لك راحتك النفسيه الزم ايذا عندك استعداد وحماس انك تشديين حيلك شدي حيلك ويمديك ترفعينها ل85 مع نسبتك الي بثاني تصير كويسه ايذا جبتي بثاني بالتسعين اوكي واولا واخير استخيري القرار قرارك هذا من وجهة نظري
والله يوفقني يووفقك ويرزقنا النسب العاليه

ياقلبي يارحماك
شوفي حبيبتي انا صحبتي في ثاني كانت الترم الاول 87 والترم الثاني ارتفعت وصارت 94 والله مع انها ما شدت حيلها مره يعني من ناحيه انها ترتفع فهي اكيد راح ترتفع لانه المجموع بيصير اكبر بس لازم يصير مستواك نفس الترم الاول او احسن منه والافضل يكون احسن بكثير
بس على حسب التخصص الي انتي تبغيه اذا تبغين تخصص نسبته عاليه فعيدي افضلك اما اذا بتدرسي على حسابك او تخصص نسبته مو كبيره فكملي وان شاء الله الله وياك
ولاتحطي في بالك انو الاعاده شئ سئ لا اتذكري انك اذا بتعدين بتعدين عشان تحققي هدف وطموح لك وانتي استخيري وفكري في الموضوع زين
والله يكتبلك الي فيه الخير وخبريني ايش قرارك لازم
سوري طولت عليك

القدرات اهم شيئ
اعرف وحده اهليه نسبتها 99 ونصف وقدراتها 51 ماقبلوها
ووحده نسبته 89 وقدراتها بالثمانين قبلوها الطب
انا نفسك متحمه نفسيا مالي خلق للمذاكره بس الشكوى على الله قدر وكتوب ...

وكمان اعرف وحده من 85 الى 95 >>>>وعلى ماظن ماكانت شاده حيلها مرره

بقوه تقدر ترتفع بس شدي حيلك حبيبتي ..
لو جبتي 100 % في الترم الثاني تقدرين تجيبين 90 يعني ممتاز النسبة العامه

الله يوفقك وتدخلي التخصص الي ببالك يارب

غاليااتي الله يسعدكم ع هالتحفيز ورفع المعنويه بجد حطيتوا عندي امل الله يوفقك ويحققلكم ماتتمنوآ ..
بس آنآ مشكلتي من النوع المتردد ..
يعني اقول في نفسي احيانا حتى وان شديت حيلي وارتفعت مثلا مثلا 10 نسب اكون جايبه 88 وهالنسبه بالمره
ماكانت من طموحي بس شنسوي ..
بآنتظآر آلبقيه ..
دعوآتي لكم ..
ورود جوريه حمرا لقلبكم الراقي ..
دمتم بحب