تعلمي البف مع الاسطورية خطوه بخطوه

1. الطريقه الافضل

هاي بنات
بناء على طلب احد العضوات الحلوين
بسوي موضوع للبف لاني غرامي البف وما عيش بدونه خ
اول شي طبعا بعد ماتغسلين شعرج وتستشورينه
تبدين
اول شي تسوينه انج تبدين من فوق يعني تبدين من نص قمه راسج او من المكان الي تبينه وتبدين تاخذين خصله خصله يعني مو تيمعين شعرج بايدج ويصير عريض راح يصير كلش مومرتب
يعني البدايه قسمي شعرج الي تبينه يكون بف لخصل ضعيفه
بعدين كل خصله تاخذينها اول شي ترشين سبري وهالطريقه احسن من انج ترشين بعدين راح ترشين قبل وبعد عشان يثبت
اهم شي المشط نوع المشط لازم يكون مخصص للبف وانا جربت فوق 10 انواع وهذا احسن نوع فيهم
تلقونه بالجوثن روعه
الجزء الي عليه الدائره مهم اغلب البنات يسوون بف بالجزء الي جدام وينسون ورا بعدين اقولكم متى تستخدمونه
ترفعين الخصله ليفوق وبالمشط من اخرها تسحبين الشعر لتحت تسوينها تقريبا 5 مرات لكل خصله سريع راح يتكود شعر تحت وراح تلاحظين الشعره توقف خليها ورشي عليها سبري لاتحركينها
ابددي بالخصله الي يمها ليما تخلصين كل الخصل بنفس الطريقه من جدام تبدين ليما ورا ليما توصلين لفوق رقبتج بشبر تقريبا من ورا يعني البف من نص القمه لاخرها
بعدين نزلي راسج ورفعيه حيل وابدي رتبيه بالمشط هذا بعد لان هالمشط مثل الشعر مويابس ماراح يخربه رتبيه بطريقه خفيفه مري عليه بخفه عشان يتساوى بعدين بتلاحظين اماكن اعلى من الثانيه ومومتساوي عدل
الحين ايي وقت الجزء الضعيف
تاخذينه وتدخلينه داخل النفخه داخل كومه الشعر الي سويتيها بالبف وترفعينه شوي شوي شوي راح ينفش شعرج بطريقه متساويه يعني تساوينه بهالطريقه
وحاولت ارسمها
اخير شي ححاولي تثبتي بكلبسات صغيره تلقينها بو اميه وهذي صورتها من تحت الخصل تحطينهم

الطريقه الافضل

انج قبل كل الي قلته تستشورين منطقه البف بانج تخلين البروش المدور مال الشسوار مده وعليه الهوا الحار بعدين تحطين اللفافه وتكون متينه مع كلبسها يفضل لفافتين عشان تغطين المنطقه كلها وترشين عليها سبري وتخلينها ساعتين
جذي على شعرج
وهذي صوره لحجمها
اخر شي رشي الرش على كل البف من فوق
وبعدين لما تحسين انه نزل لاتعدلينه بالمشط كلش كل الس تسوينه تنزلين راسج وتردين ترفعين راح ينفش
وسلامتكم