تعلمي الكيرلي بالخطوات المصوره للشعر الطويل والوسط والبوي

لكثرة طلب الفراشات لطريقة الكيرلي للشعر وأنا منهم طبعا لقيت في أحد المنتديات صور عن طريقة عمل الكيرلي وحبيت أفيدكم وأبيكم تدعون للي منزله الموضوع بالأصل وتدعون لي أنا بعد لأني نقلته لكم يالله نبدأ بسم الله
اليوم موضوعنا عن الكيرلي ...
وحلو ان الواحد يغير من شكل شعره من فتره لي فتره
والكيرلي يعطي كثافه للشعر ... بشكل مرتب وحلو ويدوم فتره لوقت الاستحمام
وخلوني اعرفكم على طريقتين بالكيرلي وبعدها استعرض معاكم خطوات لف الشعر للاطوال المحتلفه له ونجهز المشط ... واللفافات .... والكبسات
الطريقه الاولى :
طبعا راح ناخذ خصله خصله من الشعر ونبدي نلفها ... واللي شعرها مو ناعم نستشوره بالاول ...
ناخذ خصله من الشعر ونمشطها
ونبدي نثبت طرف الخصله على اللفافه ... ونلفها للاسفل
ونسكر اللفافه عليها ونتركها لمدة نص ساعه او ساعه الا ربع او اكثر اذا كان الشعر ناعم جدا
ولما نفك اللفافه راح تطلع معاي بالشكل هذا