تعلمي هذا السحر اللي محد يقدر يفكه

السحر هو أمر يستحوذ على الحواس فيقودها في اتجاه آخر ....
لكل من تود أن تسحر زوجها سحر لا يمكن فكه ولا حله ....هذه طريقة فعالة .. جربوها ولن تندموا....
1. زوجك ليس ندا لك .... زوجك رجل ... له كرامة وكيان وشخصية تمتلئ بالشموخ والكرامة وعزة النفس ...
فلا تكوني ندا له ..... وين المشكلة؟
2. بيتك جنة .... وأطفالك هم عصافير الجنة ... فلا تجعليهم غربان تحوم حول الزوج حين يحتاج للهدوء ....
الانسحاب أحيانا مفيد جدا .... وين المشكلة؟
3. خليه يفتح موضوع جدي معاك ... اتركيه يناقش حتى النهاية ... اذا قرب يخلص قولي العبارة التالية : بس في نقطة مهمة نسيتها ...
راح ينتبهلك ... وأكيد راح يسأل : وشهي؟ .....ادخلي عليه بها الكلمه عرض
قولي: إنا أموت فيك ...... وين المشكلة؟:
4. كل الأمور تحلينها انتي؟؟؟تمام عليكي ... كفو والله وعساك عالقوة .... بس مو ضروري تعيرينه...
دعي له مساحة يتحرك فيها ... شاركيه بالقرارات ... ارجعي له دائما ... حتى في الأمور المحسومة سلفا ....
خليه يحس ان له دور مهم .... مو صفرعالشمال..... وين المشكلة؟:
5. دائما دعيه يشعر انه القوة الكاملة في البيت .... دعيه يشعر انك ضعيفة .... مو بشخصيتك ...
بل بجسمك ... الجأي له مثل الأطفال ... حتى لو اصبعك انجرح ... عطيه بلاستر وخليه يلف اصبعك .... وين المشكلة؟
6. خليه دايما يحس انك بحاجته ... وان عداادااتك وبوصلاتك ما تشتغل الا بوجوده .... وين المشكلة؟:
7. أشعريه ان شخصيته هي الأقوى... حتى لو كنتي كوندااليزا رايس .... وين المشكلة؟
8. العطور ثم العطور ثم العطور...... اجعلي بيتك مريحا للأعصاب ودايما استبدلي عبق البصل والثوم اللي
تحوس في البيت ... برائحة معطر الجو ....
حواس الأنف مفتاح الدماغ .... راقبي وجهك اذا مريتي عند **الة صارلها سنة مقطوطة ....
حتى لو كنتي في قمة سعادتك بتنقلب مزاجاتك ..... شلون يقدر يعصب والدنيا ربيع والجو بديع ....
وقفلي على كل المواضيع ..... وين المشكلة ؟:
9. يقولون الرجل طفل .... انا اقول الرجل جنين وليس طفل .... الطفل ممكن ينزف ... ينطق .....
بس الجنين محمي بحنان رباني ... بعالم هادئ .... بتدليل أمومي .... الرجل مهما لقى من صفات رائعة في زوجته ..... دائما يبحث عن حنان أمه فيها .... والحنان....يلين الصخر .... وين المشكلة؟
0- كوني له أمة يكن لك طفلك المطيع ....نعم .... صيري صديقته وقت الضيق ... أخته وقت الفزعة ... أمة وقت الدمعة ...
حبيبته لما كل الدنيا تخليه .... زوجته لما يضيع ... بنته لما يحتاج يحس بالألفة .... كوني له كل نساء الأرض ....
وين المشكلة؟:
1- علمي أولادك ان يقبلوا رأأأأسه كلما رأأأأوه ...انتي قبلي رأسه أيضاً.. لا تقولين الزمن تغير وماعاد أحد يبوس راس أحد ....
كل شي ممكن يتطور .... بس يبقى احترام الأب هو الجهل الوحيد اللي لازم نزرعه بقلوب أولادنا .... وباستماته
وين المشكلة؟
2- نسى هدية العيد لولده أو بنته .... عادي ... اشتري هدية وحطي عليها أسمه وجهزيها له ...
أو اذا انشغل قدميها باسمه .... فنتيجة انتماء الطفل لأبويه انتو الاثنين راح تحصدونها ... مو بس هو ....
بس لا تنسين ترسلي له مسج تعلمينه بالهدية ... لا يصير مثل الأطرش بالزفة! ..... وين المشكلة؟
3- حذار ثم حذار ثم حذار من عبارة ... أبوك لاهي عنك ..... ليش وينه أبوكم .... أبوك مو فاضيلك ...........
الطفل ما ينسى .... قومي انتي بالمهمة .... أو على الأقل ... لاقي عذر مناسب يكبر الأب بعين عياله ...
مو يكرهونه ..... وين المشكلة ؟:
4- تتضايقين من نظراته لمذيعات القنوات اللبنانية وهيفاء وهبي؟؟
قهر مو ؟؟؟؟
غلطانه....
اسألي نفسك سؤال واحد .... ليش ما تصيرين انتي لبنانية ....واحلى من اللبنانية !!!!!
قصة شعر؟ ريجيم ؟ صبغة حلوة ؟
ابتسامة جميله ؟ تدليع؟؟؟ وين المشكلة؟؟؟
5- دلعيه .... ثم دلعيه .... ثم دلعيه .... حبيبي ... قلبي ... حياتي .... مافي منك ...
دلوعى انا وبس ..... مشكور ...
عساك عالقوة ... صباح الحب .... مساء الورد .... تصبح على حب .... عيوني لك ... انت تامر ....
واغزلي من عبارات الحب جمل أكثر .....
يا اختي اعتبريه موضوع تعبير لازم تكتبينه في المدرسة ويتوقف عليه تخرجك ... وين المشكلة؟:
6- يوه ... ليش ما جبت الطماط ............... انا لله ... انا كل ما أوصيك على شي تنساه؟؟؟
والله لو رايحة انا أحسن ...........!!!!! ليش ليش ..... سواق هو؟؟ شوي شوي ....
صحيح مهمته وشغلته وواجب عليه ندري .... بس كان ممكن لما تكتشفين النقص تقولين الآتي مع ابتساامة ناعمة ...
عادي حبيبي ولا يهمك ... يعطيك العافية يا قلبي .... روح ارتاح انت الحين وانا أسويلك كوكتيل عالسريع ....
حبيبي يتعب وما ندلعه؟؟ ما يصير....... حتى لو أكلتك كلها تعتمد على الطماط .... خير يا طير .... تتدبر....
لو تفكرين شوي راح تعرفين انها تتدبر......وين المشكلة؟
7- لا تنتقدينه ........ أبدا .... حتى لو كان من راسه لساسه عيوب .... حتى لو كان صبار كله شوك ....
الصبار ترى داخله مويه ... وعلشان توصلين للمويه لازم تشيلين الشوك .... جربي شيليه بسرعة ومرة واحدة ...
ما تجنين الا الألم ..... بالحب .... والحنية .... والصبر .... كل شي يصير ... حتى لو طولتي تشيلين الشوك ....
راح يجي وقت تلاقينه هو يشيل معاك .... من كيفه .... وين المشكلة؟
8. إياكي وإياكي وإياكي أن تظهري عيبه أمام الآخرين ... الرجل ما ينسى ....
والشعور بالإحراج يخليه يدفن بقلبه ضيق عليك ما يروح بسهولة ...... خليك ستر وغطا على عيوبه ...
حتى لو تافهة وعادية .... وين المشكلة؟
9- خلي يدك بيده.... قبلي أصابعه بعز المسلسل .... خليه يحس انك مستانسة لوجوده جنبك ....
مو تنتظرين الساعة اللي يروح فيها برا ... وين المشكلة؟:
0- طلعي الشغاله برا .... أظن الدوام الجزئي كافي ... هذي مملكتك ... لا تتنازلين عنها ..... وين المشكلة ...
الواحدة منا اذا حبت شغلها تكرف فيه بدون حساب .... وبابتسامة .... مو بيتك أدوم لك؟؟؟ وين المشكلة؟:
1- عطيه حريته ... خليه يسافر لوحده اذا يبي ... خليه يطلع الشاليه او المخيم مع اصحابه .... خليه يتنفس ...
وراح يرجع لكم مشتاق ... وممنون..... وين المشكلة ؟
2- تعلمي الابداع بالطبخ ... نوعي بأكلاتك .... حسسيه ان ذوقه مهم عندك...وين المشكلة؟:
3- جددي بنفسك .... خليك أنيقه ... كشخة ... شبعيه علشان ما يجوع ..... وين المشكلة؟:
4- تذكريه برسالة على الجوال ... مو لا تنسى العيال ... ولا مر السوق..... قوليله كلمة واحدة بس ....
اشتقتلك .......... وين المشكلة؟
5- لا تخالفينه قدام عيالك .... خلي رايك من رايه ... وعيالك لازم يفهمون هالشي ....انك معاه ... مو ضده....
ولا تعاندين .... لان العناد راح يخلي سفينتكم الزوجيه تغرق فيكم كلكم .....وهنا المشكلة.
اسال الله لكم ولي السعاده جميعا... يارب....
منقول
أختكم غنوة مطر