تفضلو يالمتزوجات

السلام عليكم خواتي
السموحة عالتقصير من زمان ماكتبت شي
كنت انزل المواضيع الجديمة حقي
شسوي عندي بيبي صغير الله يخليه لي بعده ماكمل حتى الشهرين
اليوم حبيت اعطيكم طريقة حلوة علشان تحببين ريلج فيج بزيادة
خواتي شرايكم لو تسوون ليله كلها حب وعشق وهيام فالزوج
يعني نبدا الخطوات من الصبح وقت مايروح الدوام (الشغل)
طرشيله مسجات حب مثل (فديت العيون اللي تقرا المسج أحبك) (تولهت عقلبي عساه بخير)
(أحبك الله يعينك علي اليوم زايد الشوق عندي) طبعا انتي وشطارتج في كتابة المسجات
وبعدين يوم يرد من الدوام استقبليه ببتسامة حلوة وبوسة (بصراحة انا عودت ريلي من بداية زواجنا وصار بمجرد ما اي البيت يعرف اني انا اللي بستقبله ولو ماشافني يقعد يحاتي ويسألني ليش تعبانة او زعلانه)
وطبعا العيال حلوين ومرتبين وبعد يستقبلون ابوهم ، الريال يحب حرمته بزيادة لو شافها تعلم عيالها حب ابوهم وحترامه
وبعد مايدخل يريح شوي،اتكوني انتي مجهزه فوطة صغيرة ومعطرتها وحاطة عليها شوية ماي بارد وتقعدين تمسحين ويهه فيها، انا فالصيف لازم اسوي هالحركة لأنها تريح الريال
وخلي اليوم يمر بدون ماتزعلين ريلج،(بعد مدة بعطيكم اسباب كره الازواج الجلوس فالبيت)
المهم فالليل رقدي عيالج هاي أهم نقطة وبعدين اتلبسي واكشخي حق ريلج وخبريه انج تتريينه بكل شوق،ويوم اي البيت يكون مستانس لأنه يشوفج متعدله حقه مب حق غيره
واشاء الله اتخلون هاي الحركات عادة عندكم لأنها وايد مفيدة بين الزوجين